12 Мамыр, 2010

АҒАЙЫНМЕН АРАЛАСТЫҚ АРТА БЕРЕДІ

487 рет
көрсетілді
1 мин
оқу үшін
Премьер-Министрдің орынбасары – Индустрия және жаңа тех­но­логиялар министрі А.Исекешев мамыр айының басында жұмыс сапарымен Түркияда болды. Министр бастаған делегация құрамында Павлодар облысының әкімі Б.Сағынтаев, Ақтөбе және Солтүстік Қазақстан облыстары әкімдерінің орынбасарлары, мемлекеттік холдингтердің, ұлттық компаниялардың және жеке сектордың өкілдері болды. Сапар барысында А.Исе­ке­­шев Түркия Президенті А.Гүл­дің қабылдауында болды және Түркия Республикасы Пре­мьер-министрінің орын­басары әрі Мемлекеттік ми­нистрі А.Бабажанмен, сондай-ақ Мем­лекеттік министр З.Чағ­лаян­мен келіссөздер жүргізді. Түркия Республикасының Президенті А.Гүлмен кездесу барысында Елбасы Н.Назар­баевтың бастамасымен құрыл­ған Түркі халықтарының ке­ңе­сі төңірегінде сауда-эко­но­ми­калық және ғылыми-техни­ка­лық ынтымақтастыққа байла­ныс­ты мәселелер қарастырыл­ды. Сол сияқты Түркия Пре­зидентінің Қазақстанға жасай­тын сапарына қатысты мәсе­ле­лер әңгіме болды. А.Исе­ке­шевтің Түркияның Мемлекет­тік министрі А.Бабажанмен кездесуінде 2009 жылдың қа­зан айында қол қойылған Стра­тегиялық әріптестік жө­нін­дегі келіссөз төңірегінде туыс­қан екі ел арасындағы эко­номикалық ынтымақ­тас­тық мәселелері талқыланды. Кездесулер барысында А.Исе­ке­шев осы жылдың 1 қаң­тарынан бастап күшіне енген Белоруссия, Ресей және Қа­зақстан арасындағы Кеден одағының өзара инвести­ция­лық жобалар үшін жаңа мүм­кін­діктер ашатынын атап өтті. Кездесу соңында жаңа шарт­тар жағдайында екі ел ара­сында үкіметтераралық дең­гей­де жұмыс жасап жатқан эко­номикалық комиссияға қосымша экономикалық ын­ты­мақтастықтың нақты әрі тиімді механизмін құру жө­нін­де келісімдерге қол жеткізілді. Сапар барысында сондай-ақ отандық және түрік кәсіпкерлерінің қатынасуымен екі бизнес-форум болып өтті. “Егемен-ақпарат”.