ХҒС-қа 67-ші негізгі экспедицияға қатысушыларын жеткізетін «Союз МС-21» кемесі автономды сынақтардан сәтті өтті, сондай-ақ «Союз-2.1 а» зымыран тасығышының «пакетін» (1 және 2 саты) механикалық құрастыру аяқталды.
Жұмыс аяқталғаннан кейін кеме пневматикалық вакуумдық сынақтарға дайындалу үшін жұмыс орнына орнатылды. Сонымен қатар, Ю. А. Гагарин атындағы Ғарышкерлерді даярлау орталығында ХҒС-67 негізгі және қосалқы экипаждарының ғарышкерлерінің: Роскосмос ғарышкерлері Олег Артемьев, Денис Матвеев, Сергей Корсаков, Сергей Прокопьев, Дмитрий Петелин және Анна Кикин сияқты ғарышкерлерге денсаулық жағдайы бойынша ғарыштық ұшуға жарамды деп танылған бас медициналық комиссияның отырысы өтті.
«Союз МС-21» кемесінің экипажын Ресей батыры, Байқоңыр қаласының құрметті азаматы Олег Артемьев басқарады. Ол ғарышқа үшінші рет аттанбақ. Денис Матвеев пен Сергей Корсаков үшін бұл алғашқы сапар.
«Союз МС-21» басқарылатын кораблімен «Союз-2.1 а» зымыран тасығышын ХҒС бағдарламасы бойынша ұшыру 18 наурызда Нұр-Сұлтан уақыты бойынша сағат 21:55-те Байқоңыр ғарыш айлағының «Восток» (№31 алаң) ұшыру кешенінен жоспарланып отыр.
