XIII қысқы паралимпиада ойындары биыл 4-13 наурыз аралығында Қытай астанасы Бейжіңде өтеді.
Айтулы додада ел намысын Ербол Хамитов, Александр Герлиц, Денис Петренко, Юрий Березин және Сергей Усольцев пара шаңғы және пара биатлон спорт түрінен қорғайды.
«Эпиджағдай спортшылардың Бейжің-2022 қысқы паралимпиада ойындарына толыққанды қатысуына кедергі келтірді. Спортшылардың көбісі паралимпиада алдындағы іріктеу жарыстарына қатыса алмады. Сондықтан жарысқа ұлттық команда толық құраммен бара алмайды. Біздің паралимпиадашылар қысқы ойындарға барар жолда үлкен жұмыс атқарды, көп еңбек етті. Паралимпиада ойындарына жолдама алудың өзі үлкен жетістік. Біздің паралимпиадашылардың жеңіске деген ұмтылысы жоғары, әлеуеті зор, өз күшіне сенімі берік», деді ҚР ұлттық паралимпиада комитетінің президенті Қайрат Боранбаев.
