Ведомствоның мәліметінше, қазіргі уақытта уақытша консулдық есепте 517 адам (Елшілік қызметкерлері және олардың отбасы мүшелері, студенттер, бизнес өкілдері) тұр. Сондай-ақ тұрақты консулдық есепте 1113 адам тұр.
«Бірақ бұл сандар өзгеруі мүмкін. Қазір эвакуацияланғысы келетіндер туралы ақпарат жиналып жатыр», деп қосты ведомствоның баспасөз қызметі.
Еске сала кетсек, Украина аумағында болып жатқан жағдайға байланысты Қазақстан Республикасының Киевтегі елшілігі қазақстандықтарды эвакуациялауды қамтамасыз етеді.
Украинада жүрген Қазақстан азаматтары Киев қ., Ильенко к-сі, 26 үй мекенжайы бойынша орналасқан ҚР Елшілігіне немесе +38 (067) 347 04 08 (WhatsApp, Viber), +38 (044) 483 15 96, +38 (044) 489 18 58 телефондары арқылы хабарласа алады.
