«Интеллектуалды марафон» атты І халықаралық олимпиада басталды

Кеше Алматыда Білім және ғылым министрлігінің қолдауымен Қазақ ұлттық аграрлық университеті мен халықаралық «Глюон» (IIC «Gluon», Мәскеу, Ресей) зияткерлік клубы ауылдың дарынды жас­тары арасында «Интеллектуалды марафон» атты I халықаралық олимпиадасын бастады. Бұған Қазақстан, Ресей және басқа да шет мемлекеттердің мектеп оқушылары қатысуда. 30 наурызға дейін жүретін жарыста ауылдағы дарынды жастарды анықтау арқылы олардың шығармашылық және зияткерлік әлеуетін дамыту мақсат тұтылады. Сондай-ақ бұл бастама ауылды жердегі мектеп оқушыларының ақпараттық-білім алу ортасын кеңейтуді, ізденістік есептерді шешу дағдыларын дамытуды, ғылыми білімнің кең тарауына ықпал жасауды көздейді. Үш турдан тұратын олимпиа­да жыл сайын математика, информатика, химия, экология, биология, физика пәндері мен ғылыми жобалар бойынша кешенді түрде өтетін болады. Қазақстандық же­ңімпаз оқушылар Қазақ ұлттық аграр­лық университетінде оқу үшін об­лыстық әкімдіктің және аграрлық кәсіпорындар мен шаруа­шылық­тардың гранттарымен марапатталады. Айнаш ЕСАЛИ, «Егемен Қазақстан». АЛМАТЫ.