Атап айтқанда, Ресей құрамасы наурыз айының соңында Қатар астанасы – Дохада өтетін футболдан әлем біріншілігіне жолдама беретін плей-офф кезеңінде Польша құрамасымен ойнауға тиіс еді. Бірақ ФИФА шешімімен Ресей құрамасы бұл ойыннан шеттетілді.
Сондай-ақ УЕФА да Ресей клубтарына барлық халықаралық жарыста ойнауына тыйым салды. Соның салдарынан Еуропа лигасының 1/8 финалында бақ сынап жатқан Мәскеудің «Спартагы» байрақты бәсекеден шығып қалды. Олар 10 және 17 наурызда Германияның «Лейпцигімен» ширек финалдың жолдамасын сарапқа салатын еді.
Сондай-ақ Халықаралық шайбалы хоккей федерациясы да Ресей мен Беларусь құрамаларын алдағы мамыр айында Финляндияда өтетін әлем чемпионатынан шеттетті.
