Үш бала тәрбиелеп отырған қандасымыз осы кезге дейін КСРО-ның қызыл паспортымен жүрген. Сол себептен, балаларымен бірге тегін медициналық көмекке жүгіне алмаған. Жеке басын куәландыратын құжаты болмағандықтан, тұрақты жұмыс істемейді.
– Құрманғазы аудандық полиция бөлімінің көші-қон қызметкерлеріне жүгініп, Қазақстан азаматтығын алуға өтініш берген едім. Полиция капитаны Айдана Амангелдиева өтінішімді жауапсыз қалдырмай, Ресей Федерациясының Астрахань қаласындағы елшілікке сұрау салуға барды. Қазақстан Республикасының азаматтығын алудың жеңілдетілген тәртібін түсіндіріп, құжаттарымды реттеп берді. Елдің азаматы атанғаннан артық қуаныш бола ма? Енді еліміздің өркендеуіне үлесімді қосуды мақсат етіп отырмын. Көші-қон қызметінің қызметкерлеріне қолдау көрсеткені үшін алғыс айтамын, – дейді Надия Набиқызы.
Атырау облысы
