Экология, геология және табиғи ресурстар министрлігінің ақпаратына сәйкес «Еуразия» халықаралық жобасының 1-ші кезеңін іске асыру үшін Каспийдің қазақстандық бөлігіндегі ойпатында геологиялық-геофизикалық мәліметтерді өңдеп, озық және инновациялық технологияларын пайдалану арқылы келесі кезеңдеріне жетекші мұнай-газ компанияларының қатысу мүмкіндігі қарастырылды.
Экология, геология және табиғи ресурстар министрі Серікқали Брекешев экономикалық тұрақтылықты қамтамасыз етуде аталған жобаны жүзеге асырудың маңызы зор екенін жеткізді.
Биыл Каспий маңына байланысты қолда бар барлық геологиялық-геофизикалық мәліметті озық және инновациялық технологияларды қолданып, қайта өңдеу мен түсіндіру жөніндегі жұмыстар жүргізіледі. Сондай-ақ одан арғы жұмыстарды нақтылау үшін Каспий маңы ойпаты шегіндегі неғұрлым перспективалы аймақтарды анықтайтын есеп орындалып жатыр.
2-3 кезеңдерде өңірлік сейсмикалық бейіндерді, сейсмикалық емес аэрогеофизикалық зерттеулерді пысықтап, перспективалы бөлімшелерді шынайы геологиялық зерттеу және бассейн түбіндегі нысандарды іздеу мақсатында озық инновациялық технологияларды пайдаланып, алынған деректерді өңдеу мен анықталған аймақта терең іздеу ұңғымасын бұрғылау көзделеді.
Қазақстандық мұнайшы-геологтер қоғамының президенті Балтабек Қуандықов жобаның 1-ші кезеңі бойынша орындалып жатқан жұмыстардың алғашқы нәтижелерін ұсынып, тарихи деректерді заманауи технологиялармен өңдеу нәтижелерін көрсетті.
Ұйым басшысы айтқандай, таяу арада аталған жоба отандық энергетикалық қауіпсіздіктің іргетасына айналып, көмірсутек шикізатының стратегиялық резервін арттыруға жол ашады.
Кеңесте осы жобаның 2-3-ші кезеңдерін жүзеге асыруда мұнай-газ компанияларының қатысу шарттарына ерекше назар аударылды.
