Ерлер арасында сынға түскен Айдар Қадырхан (52 кг), Төрехан Сабырхан (57 кг), Ахмет Үсен (63 кг) және Санжар-Әли Бегалиев (66 кило) қарсыластарынан басым түсіп, Азия чемпионы атанды. Төрехан Сабырхан мен Санжар-Әли Бегалиев Өзбекстан мен Ираннан келген қарсыластарын техникалық нокаутпен жеңді. Ал Мұхаммед-Әли Жанболат (75 кг) пен Аслан Елдібайұлы (80 килодан жоғары) күміске қол жеткізді.
Ал қыздар арасындағы финалдық бәсекеде екі боксшымыз тамаша өнер көрсетіп, турнир жеңімпазы атанды. Атап айтқанда, Аружан Жанғабаева (66 кг) мен Құралай Егінбайқызы (80 килодан жоғары) Иордания және Үндістан боксшыларын жеңіп, алтыннан алқа тақты. Сонымен қатар Карина Тоқубай (50 кг), Ұлдана Таубай (60 кг), Нұрсұлу Сүйенәлі (63 кг), Роксолана Валиева (70 кг) және Шұғыла Нәлібай (75 кг) алтын жүлдеге қол созым қалған жерде сүрініп, сары құрлық біріншілігінің күміс жүлдегері атанды.
