Министрдің айтуынша, әзірлеу кезінде журналистік ұйымдар мен қоғамдастықтардың пікірлері ескерілетін болады.
«Тапсырма берілді, барлық медиа қауымдастыққа пайда әкелетін жаңа заңның сапасы бойынша жұмыс істейтін боламыз. Мүмкіндігінше қысқа мерзімде жасауға тырысамыз», деді Ақпарат және қоғамдық даму министрі Асқар Омаров.
Оның айтуынша, кез келген елде әрқашан өз мақсаттары бар түрлі топтармен ынтымақтаса алатын белгілі бір топтар бар.
«Мен нақты бір БАҚ туралы айта алмаймын. Менің ойымша, бұл біздің елімізде ғана емес, жалпы алғанда, осындай үрдіс бар деп айтылды. Мемлекет басшысы да осыған орай тапсырма берді», деді Асқар Омаров.
Мемлекет басшысы халыққа Жолдауында мемлекеттің мүдделерін, қоғамның сұраныстарын және медиа саланың даму тенденцияларын ескере отырып, бұқаралық ақпарат құралдары туралы заңды қайта қарау қажет екенін айтқан болатын.
«БАҚ – билік пен халық арасындағы коммуникацияның тиімді арнасы. Олар қоғамның өзекті мәселелерін көтере алады және көтеруі керек. Бірақ мұны үлкен азаматтық жауапкершілікпен жасау керек», деді Қасым-Жомарт Тоқаев.
