ЕГІНСУДАҒЫ ЖАҒДАЙ ЖАҚСАРЫП КЕЛЕДІ

Қызылағаштағы тасқынның сал­дарынан зардап шеккен елді мекен­дердің қатарында Егінсу да бар. Қы­зылағаштықтардың мұқтаж­дық­тарына байланысты құрылыс қар­қын­ды бас­талып, бүгінде тұрғындар баспа­налы бо­лып, жұмыс нәтиже бере бастады. Енді егінсулықтардың жағдайын жіті бақылаған облыс әкімі Серік Үмбетов Егінсу ауылын­да болып, елді мекен­дегі қалпына келтіру жұмыс­тарының барысымен танысты. Бұған дейін мұнда Қазақ құры­лыс және архитектура, сейсмология ғылы­ми зерттеу институтының ма­ман­дары тасқын салдарынан зардап шеккен тұр­ғын үйлердің бүгінгі жағ­дайын зерт­теп, нақты қорытын­ды шығарып­ты. Ауылдағы 75 үй осын­дай тексеру­ден өтіп, қорытынды бо­йынша 21 үй бұзылуға және жаңа­дан салынуға жата­тындығы, ал 54 үй күрделі жөн­­деу­ді қажет ететін­дігі атап көрсе­тіл­ген. Осыған бай­ла­нысты мұндағы құрылыс жұмыс­тары қалыпты жүргізілуде деуге болады. Қазіргі кезде ауылдағы 12 үйдің шатыры жабылып, 14 үйдің қа­быр­ғасы қаланған. Құрылысы аяқталуға жақын алғашқы 3 үй 15 мамырда пайдалануға беріледі деп күтілуде. Бұл үйлердің ішкі әрлеу және аула­ларын абаттандыру жұмыстары қа­лып­ты. Ал қалған үйлердің құрылы­сын жедел жүргізіп, шілденің біріне дейін беру белгіленген. Оған 7 мерді­гер компания тартылса, оларда 400-ге жуық құрылысшы жұмыс істеуде. Ауылдағы зардап щеккен ны­сан­дардың қатарында 640 орындық мектеп пен бала бақша да бар. Мұн­да да күрделі жөндеу жұмыстары етек алыпты. Сондай-ак фельдшер­лік-амбу­латориялық қосын мен малдәрі­герлік емдеу орнының ғима­раттары да жаңадан бой көтеруде. Жас ұрпаққа сапалы білім беретін мектептегі қолға алынған құрылыс жұмыстарын арала­ған облыс әкімі мұндағы атқарылған жұмыстарға бағасын беріп, құрылыс­тың мейлін­ше сапалы атқарылуын талап етті. Сонымен қатар ол білім ша­ңырағын оқу­шы партасынан бас­тап, компью­тер мен барлық оқу үде­рі­сіне қажет­ті құрал-жабдықтар­мен қамтама­сыз етуді тапсырды. Облыс әкімі тұрғындармен кез­де­сіп, олардың сауалдарына жауап қайтарды. Олардың қатарында бас­паналарын жаңадан салуды өтінген­дер де бар. Оған байланысты облыс басшысы Қазақ құрылыс және архи­тектура, сейсмология ғы­лы­ми зерт­теу институтының мамандары жүр­гізген жұмыс қорытындысы басшы­лық­қа алынатынын түсіндірді. Халық бастарына түскен ауырт­палықты бірге бөліскен барша жұрт­шылыққа ризашылықтарын да айт­ты. Әсіресе, апаттың алдын алуда Мем­ле­­кет басшысы жедел шешім қа­был­дап, Үкіметтен қаржы бөлді­ріп, жұ­мыс­ты жіті қадағалағанына ал­ғыс­тарын біл­дір­ді. Біз мұндай қиын­дық­ты өз күші­мізбен көтере ал­май­тын едік. Мы­на­дай күрделі жөндеу жұ­мыс­тарын жа­сай алмай­ты­нымыз анық. Мемле­кет­тің көме­гі­нің арқа­сын­да үйлеріміз тас­қынға дейінгі қал­пынан әлдеқайда жақ­сар­ды. Ауыл жаңа кейіпке еніп, сәулет­тене түсетін болды, деді тұрғын­дар бізбен әңгімесінде. Күмісжан БАЙЖАН, Алматы облысы.