Жаңа қаулыға сәйкес, медициналық ұйымдарды қоспағанда, үй-жайларда, қоғамдық орындарда міндетті түрде маска кию режимін алып тастау туралы шешім қабылданды. Десе де, халық көп жиналатын орындарда, қоғамдық және әуе көліктерінде, ұйымдасқан ұжымдарда медициналық маскаларды пайдаланудың ұсынымдық сипаты сақталды.
Бұдан басқа, «Комирнати» (Pfizer) вакцинациялауға жататын адамдардың контингенті кеңейтілді, ол келесі санаттармен толықтырылады:
- Осы вакцинамен алдын ала вакцинациялауды алғысы келетін, бастапқы вакцинациялауды алатын адамдар;
- Түрлі себептер бойынша шетелге шығу үшін қайта вакцинациялауды қажет ететін адамдар;
- Вакцинациялау курсын аяқтаған, осы вакцинамен алдын ала вакцинациялауды бастағысы келетін адамдар;
- COVID-19-ға қарсы ревакцинация алатын халықтың барлық топтары.
Барлық меншік нысанындағы және ведомстволық бағыныстағы білім беру ұйымдарында:
- Оқытудың кабинеттік жүйесін сақтауға қойылатын талаптар алынып тасталды;
- Маска режимін міндетті түрде сақтау.
Бетперде режимін сақтау білім беру ұйымдары әкімшілігінің шешімі бойынша ерікті түрде жүзеге асырылуы мүмкін.
Қаулы қол қойылған сәттен бастап күшіне енеді.
