Мыңдаған бала ерекше күтімге зәру

Осы мәселелермен 15 жыл бойы үздіксіз айналысып келе жатқан AYALA қо­ры жуырда кезекті рет есеп берді. Қор осы жылдарда ба­ла­лардың өлім-жітімін азай­ту, жас­өс­пірімдерді кә­сі­би бағдарлау мен ерекше білім беру қажеттілігі бар ба­ла­ларға көмек көрсету жо­ба­ла­рына 5 млрд теңгеден астам қаражат жұмсаған. Қор­дың балалар өлім-жітімі көр­сеткішін төмендетуге қос­қан үлесін Денсаулық сақтау ми­­нистрлігі де атап өтіп, «Ты­ныс ал, балақай» және «Бас­қарылатын гипотермия» жобаларына қатысты екі меморандумға қол қойған еді. 2021 жылдың ақпанынан бері қор 100 шақты неонатолог дәрігерлердің бі­лік­тілігін арттырған тегін онлайн-платформаны іске қосу идеясын қолдады. Қысқасы, қор құрылғалы бері 2,2 млрд теңгеден астам қаражат қазақ­стан­дық денсаулық сақтау меке­ме­лерінде балаларды құт­­қару және күтіп-бағу жұ­мыс­­тарын жетілдіруге бағыт­талды.

Ал 2007 жылдан бас­тап қайы­­рым­ды­лықтың үш ба­ғы­­тында дәйекті және жү­йе­­лі жұмыс істеуге көш­кен AYALA қорының басты ұс­танымы – тиімді қа­йы­­рым­дылық. Демеу­ші­лер­дің қара­жаты мен қазақ­стан­дық­­тардың қайы­рым­ды­лық жар­налары бір жолғы кө­мек­ке емес, жылдар бойы жұмыс істейтін жобаларға жұм­салады. Оның нәтижесі – елімізде беті бері қараған жүз мыңдаған баланың өмірі. Оған қоса балалар үйлері мен мектеп-интернаттарында түр­лі кәсіптерге бейімделуден өткен жүздеген жоғары сынып оқушылары бар. Мұнан бөлек ерекше күтімді қажет ететін мыңдаған бала қор орнатқан жабдықтармен ден­саулықтарын түзеуге әре­кет­те­неді.

2021 жылы қор ірі демеу­ші­лер мен қазақ­стан­дық­тардың қайырымдылық жар­насы түрінде 480 млн тең­ге­­ден астам қаражат тартса, оның 216 млн теңгесі Қа­зақ­стан­ның 12 пери­на­талдық орта­лығында 80 жаңа меди­циналық техника сатып алып, орна­ту­ға бағытталды. Бұл алдағы 5 жылда мыңдаған нәрестенің өмірі мен ақыл-естерін дамытуға септеседі.

«Бастапқыда бір реттік қар­жы жи­нау біздің жолымыз емес деп шештік. Дәрігер ретінде түсінгенім, жүйелі тәсіл ғана нағыз нәтижелерге жеткізеді. Сондықтан біздің қор 15 жыл бойы балалар реанимациясына арналған жабдықтармен жұмыс істейді және балалар дәрігерлерінің – неонатологтер, ортопедтер, кардиохирургтер мен реа­ниматологтердің білік­­ті­лігін арттырумен айна­лы­са­ды. Жыл сайын елі­міз­дің пери­на­тал­дық орталық­тарының жансақтау бөлім­де­рінен мыңдаған бала өтеді. Медициналық жабдық бірне­ше жыл жұмыс істейді, оған қоса қор дәрігерлердің жаңа туған нәрестелерді күтіп-бағу білімі мен дағдыларын үнемі жаңартып отырады. Мұның нәтижесін әрбір ата-ана көріп, барлық демеушілер мен серіктестеріміздің арқасында аман-сау қалған балаларын бауырына басып отыр», дейді AYALA қорының президенті Айдан Сүлейменова.

Қор алдағы жылдары балалар мүге­дектігін азайту үшін бұрынғыдан да белсенді болуды жоспарлап отыр.

«Өкінішке қарай, Қазақ­стан­­да мүгедек балалар саны көбейіп келеді. Соңғы 5 жылда бұл сан екі есеге артып, 100 мыңнан асып кетті немесе ша­ғын қала халқының санына жетті. Баланың өмірін сақтап қалу өте маңызды. Бірақ одан да маңыздысы оны функционалды түрде сау қал­ды­ру. Сондықтан бірнеше жылдан бері балалар реанимациясын бала­лардың мүгедектігін азай­­­туға көмектесетін құ­рал-жаб­­дықтармен және емдеу тех­­­нологияларымен қам­та­­­м­­асыз етіп келеміз», деді Айдан Сүлейменова.

Ал еліміздегі автоматты гипотермия аппараттары осылай пайда болған. 2017 жылдан бері олар қор оқытқан дәрігерлердің қолымен 200-ден астам баланың өмірі мен ақыл-есін сақтап қалды. Өткен жылдан бастап қор рети­нопатиямен шала туған нәрес­телердің көру қабілетін сақтау ісіне белсене араласып келеді. Денсаулық сақтау министрлігімен бірқатар кез­де­­су өткізіп, осы ауруды Дәрі-дәрмекпен емдеу жөнін­де­гі хаттаманы іске асы­руға қо­сылды. Көздің торын коа­гуляциялауға арнал­ған 4 ла­зер­лік қондырғы мен екі офтальмоскоп сатып алды.

Сонымен қатар қор офтальмолог дәрігерлерге тегін бейне курстар түсіруді жос­пар­лап, 6 ретиналды камера мен 11 офтальмоскоп сатып алу үшін демеушілермен бел­сен­ді жұмыс жүргізіп жатыр. Осының барлығы алдағы 3 жылда ретинопатиясы бар жаңа туған нәрестелерде көру қабілеті бойынша мүге­дек­тік­тің айтарлықтай төмен­де­уіне әкелуі тиіс.

AYALA БҚ өз жобала­ры­на де­­меу­­шілерден жиналған қа­ра­­жаттың 100%-ын және­ құ­­рылтайшылардың қара­жа­ты есебінен әкімшілік шы­ғыс­тар­ды қамтамасыз ете отырып, жеке қайы­рым­ды­лық жар­налары арқылы жібереді. Ашықтық пен толық есеп бе­ріп отыру да қордың беде­лін көтере алады. Яғни Ayala.kz сайтында 2007 жылдан бастап барлық қаржылық есептер және 2016 жылдан бастап KPMG тексерген бар­­лық ауди­торлық есеп­тер бар. Бұл қорға 15 жыл бойы елімізде тиімді қайы­­рым­ды­лық­тың ж­о­ғары стан­дарт­та­рын орна­ту­ға ­және қол­дауға мүмкіндік бе­ре­­ді.­

«Қайырымдылықтағы жұ­мыс тек жан-тәнімен берілуді және қайтарымды ғана талап етпейді, жыл сайын біз қор­­дың басты мақсаттарын анық­т­ау үшін стратегиялық сессия өткіземіз. Содан ке­йін әрбір қыз­меткердің апта сайынғы есебін тың­дап, жыл­­дық келісілген жоспар бо­йын­ша жүреміз. Біз жаңа идея­ларға ашықпыз, сүйсініп оқи­мыз, коммуникацияда, жо­­ба­ларды басқаруда, тіпті са­ту­да да өз дағдыларымызды жетілдіреміз. Өйткені қор – біз­дің қазір және болашақта елі­міздің үздік ҮЕҰ қата­рын­да көріп отырған кәсі­би ұйым», дейді Айдан Сүлейменова.

АЛМАТЫ