Сол себептен, құлсарылық 9-сынып оқушысы Бексұлтан Қожаберген мен 6-сыныпта оқитын Ақтілек Аманжол су айдынынан қоқыс жинайтын робот құрастырды. Роботтың атауы – Тrashbot. Жаңа технологияның тілін меңгеруге талпынған өрендерге Қуаныш Шалабаев жетекшілік ететін робот техникасы үйірмесіне қатысқаны септігін тигізген.
Талапты оқушылар қоқыс «жейтін» роботты Құрсай өзегінде сынақтан өткізді. Жаңа роботпен екі сағатта 4-5 кило қоқыс жинауға болады. Су айдынындағы түрлі қоқысты жинайтын арнайы қап роботтың ішіне орналастырылған.
– Қоршаған ортаның тазалығы үшін мұндай жобалардың санын арттыру қажет. Өйткені бұл елдің экономикасы мен туризмін дамытуға оң ықпалын тигізуі мүмкін. Жиналған қалдықтардан күнделікті қолданылатын қалам, қарындаш, пластикалық бұйымдар шығаруға болады, – дейді Ақтілек Аманжол.
Атырау облысы