Ерлер арасындағы Қазақстанның бірінші ракеткасы Александр Бублик қатарынан екінші аптада өз көрсеткішін жақсартып келеді. Өткен рейтингте 36-сатыда тұрған ол бұл жолы үш орын жоғарылап, 33-орынға көтерілді. Сонымен қатар Дмитрий Попко 173-тен 171-ші, Тимофей Скатов 193-тен 191-ші орынға көтерілсе, Михаил Кукушкин 162-ден 167-орынға сырғыды. Денис Евсеев 347-ші, Бейбіт Жукаев 512-орындарын сақтап қалды. Жұптық сында Андрей Голубев 26-шы, Александр Недовесов 62-сатыда тұрса, Григорий Ломакин 242-сатыға жоғарылады.
Ал әйелдер арасындағы Қазақстанның бірінші ракеткасы Елена Рыбакина бұрынғыша 19-орында тұрақтады. Ал Юлия Путинцева 52-ден 51-ші, Зарина Диас 113-тен 112-ші орынға көтерілді. Жұптық сында Анна Данилина 20-шы, Жібек Құламбаева 301-ші, Гөзал Айнитдинова 498-сатыға жайғасқан.
