КЕШЕ...

Тараз қаласындағы Қазақ­стан­ның Тұңғыш Президенті сая­бағында қалалық мәдениет және тілдерді дамыту, спорт және білім бөлімдерінің ұйым­дас­тыруымен “Отбасы – Отан­ның ошағы” атты мәдени іс-шара болып өтті. ...отабасы мерекесі болды Ол үлгілі отбасылар арасын­да­ғы спорттық жарыстармен бас­талды. Мақсаты отбасы құн­дылық­та­рын насихаттау болып табы­ла­тын аталған іс-шарада Тоқ­сан­баев­тар отбасы – 1, Рож­ко от­басы – 2 және Зубков от­ба­сы 3-орынды жеңіп алып, арнайы тағайындалған бағалы сыйлақ­тар­ға ие болды. Ән-күй бай­қау­ында Малдыбаев, Аманов және Сайтжанов отбасы­лары­ның өнер­леріне көрермендер риза­шы­лықпен қол соқты. Көсемәлі СӘТТІБАЙҰЛЫ,Тараз. ...акция бастау алды “Нұр Отан” ХДП Ақтөбе облыстық филиалы мен эконо­ми­калық қылмысқа және сы­бай­лас жемқорлыққа қар­сы күрес жөніндегі облыстық департамент бірлесе отырып, “Сіздің “Жемқорлыққа жол жоқ” деуіңіз маңызды” респуб­ликалық ақпараттық-насихаттық акциясының тұсауын кесіп, баспасөз мәслихатын өткізді. Сөйтіп, адамдардың сыбай­лас жемқорлыққа деген төз­бес­тік көзқарасын қалыптастыруға, сондай-ақ, оның белең алуын төмендетуге қол жеткізуге маңыз беріліп отыр. Осы акция ая­сында қоғамдық қабылдаулар өт­кізу, сенім телефондары бой­ынша жұмыс істеу, “Жас Отан” жастар қанатының күшімен сыбайлас жемқорлықпен күрес­ке бағытталған семинар-тре­нинг­тер ұйымдастыру, рейдтерге шығу қарастырылған. Сатыбалды СӘУІРБАЙ,Ақтөбе облысы. ...“Ашық есік” күні өтті Қай салада да бірігіп атқар­ған жұмыс берекелі болатыны заңдылық. Талдықорған қала­сын­да Қазақстан Республикасы Әскери сотының төрағасы Серік Байбатыров бастаған әскери­лер­дің “Ашық есік” күніне сала­дағы судьялар мен прокуратура, өңірдегі әскери бөлімдер мен гарнизон басшылары қатысты. Жиын барысында әскери бө­лім­дер мен гарнизондардағы тәртіп, қызметкерлердің құқықтарын қорғау, әлеуметтік мәселелерінің оң шешілуі ортаға салынды. Халықтың тыныштығын сақ­тауды басты борыш санайтын әскерилер өміріндегі тұрғын үй, тағы басқа түйінді жайлар көте­ріліп, оған Әскери сот төрағасы жан-жақты жауап берді. Мә­се­лен, әскери қызметте жүріп, түр­лі себеппен бірер жыл үзіліс жасап, қайтадан әскер қатарына кіргендерге зейнетақы тағайын­дауда мәселе туындайды екен. Осы кезде жасалатын жеңіл­дік­тер жайлы қойылған сауалдарға заң аясында жауап қайтарылды. Күмісжан БАЙЖАН,Алматы облысы.