Жасанды интеллект жөніндегі жарыс жеңімпаздары

Биыл Microsoft, KPMG мен ЮНЕСКО «Imagine Cup Junior – 2022» жасанды интеллект бойынша алғашқы екі виртуалды хакатон өткізді. Хака­тон дегеніміз не? Талантты бағдар­ламашы, компьютерлік дизайнерлер форумы әлем студенттеріне ЖИ технологияларына негізделген, болашақтың экономикасы үшін маңызды білім мен дағдыларды беретін бірқатар іс-ша­ралардың бөлігі ретінде қарас­тырылады. Бұл бастамалар – сапалы білім беру, адам құқықтарын сақ­тау, теңдік пен инклюзивтілік, эко­ло­гиялық тұрақтылық секілді нақ­ты мәселелерді шешуде ЖИ технология­ларын қолдануды ұсыну арқылы ЖИ туралы мифтерді жоюды көздейді.

Жерді сақтап қалуға арналған се­рия­ның бірінші хакатонына 9 елден 21 команда қатысса, командалар 5 студент, 1 оқытушыдан құралған. Бірқатар тәжірибелік жаттығулардан кейін студенттер өздерінің жаңа білімдерін «Жерді сақтап қалудағы жасанды интеллект» міндетінде қолданды. Идеяны нақты өмірде пайдалану үшін студенттер проблемаларды болжауға, шы­ғар­машылық ойға сүйенуге және оған егжей-тегжейлі назар аударуға мін­деттеледі. Екінші орынға ие болған қазақстандық «Unicode» командасы қытайлық «Бір белдеу және бір жол» жол құрылысының кейбір жобалары жолбарыстардың көбеюіне үлкен қауіп төндіретінін анықтап, олар мекендейтін негізгі жерлерді қорғайтын балама бағыттарды анықтау үшін жасақтаушы компанияларымен өзара әрекеттесу жос­парын жасаған. Командалық шешім спутниктік суреттерді талдау кезінде жолбарыстарды бақылау, орналастыру үшін суреттерді жіктеу моделін қолдана отырып, оңтайлы балама бағыттарды таңдайды. Хакатонда бірінші орынды Латвиядан келген, әлемде жарғанат популяциясын сақтауды ұсынған «Data» командасы жеңіп алса, болгарлық «Quadcore» мен «Yottabyte» командалары табиғатты сақтаудағы шешімдерімен үшінші орынды өзара бөлісті.

Екінші іс-шара – қыздарға арналған секция Imagine Cup Junior ЖИ виртуалды хакатоны Қазақстан, Пәкістан, Сауд Арабиясы, Болгария, Ұлыбритания мен БАӘ мектептерінен 22 команданы жинады. Бұл бағыт ЖИ-ға қызығушылық танытқан қыздарды қолдау арқылы жаратылыстану ғылымдары, технологиялар, инженерия және математика саласындағы елеулі гендерлік айырмашылықтарды жоюға бағытталған.

Ал қазақстандық «Cognitive» командасы үйдегі зорлық-зомбылық туралы өтініштерді қараған кезде жол берілетін ағаттық пен адами қателіктерін жоюға бағытталған жобаны таныс­тырып, бірінші орынға ие болды. Олардың шешімі қылмыстық істер жөніндегі полиция департаментінің деректер базасын, сондай-ақ тұрмыстық зорлық-зомбылық туралы қызметтік жазбаларды талдау арқылы жедел шақырудың ауырлығын анықтау үшін екі сатылы процесті қолданады. ЖИ мыңдаған дерек нүктелерін өңдей отырып, қоңырауларды тұрмыстық зорлық-зомбылық ықтималдығы негізінде жік­теп, шұғыл әрекет етілуі тиіс жағ­дай­лардың басымдылығын жоғары дәлдікпен анықтайды. Қыздарға арналған хакатон секциясы қатысушыларға статис­тикалық мәліметтермен, компью­терлік көру қабілетімен (компьютерлер мен жүйелерге сандық визуалды мәліметтерден маңызды ақпаратты алуға мүмкіндік беретін ЖИ саласы) жә­не жаратылыс тілін өңдеу дағдыларын дамытуға көмектесті.

Unicode командасының мүшесі Эгина Агаджанян: «Бұл бізге бағ­дарламалау дағдыларымызды қол­дана отырып, оны халықаралық аудиторияға ұсыну мен жаһандық проблемамен жұмыс істеуге тамаша мүмкіндік берді», десе, оның әріптесі Арнелла Төлеген: «Хакатонға қатыса отырып, өзімнің командадағы орнымды бағаладым, өйткені бұл дағды өзін өзі дамыту мен жаһандық жобаларды жүзеге асыруда өте маңызды», дейді.

Осылайша, виртуалды жасанды интеллект хакатондары Imagine Cup Junior – әртүрлі тәжірибесі мен бэкграунды бар студенттерді өз болашағы үшін жауапкершілікті және бір күні әлемді өзгертетін адам болуға құлшындырады. ЖИ әзірлеуге тәжірибелік, қолданбалы тәсілді қолдана отырып, студенттер соның негізінде өз шешімдерін құруды және оларды нақты өмірлік жағдайларда қолдануды үйренеді. Олар Microsoft-тің ЖИ-ді жауапты пайдалану барысындағы негізгі қағидаттарын, сондай-ақ ЖИ әзірлеу, деректерді жинау, оларды тазарту, модельдерді таңдау мен статистикалық тестілеудің этикалық қадамдарына қаныға түседі. Сонымен қатар студенттер маңызды мәселелерді шешуде регрессиямен, шешімді ағаштар және кездейсоқ ормандармен қалай жұмыс істеу керектігін біледі.

Қысқасы, жасанды интеллект жөнін­дегі виртуалды хакатондар жұмысын жалғастыра бермек. Олардың мақсаты – планетадағы әр адамға және әрбір ұйымға мұратына қол жеткізуге мүмкіндік туғызу. Жақын арада Imagine Cup Junior ЖИ бойынша жазғы виртуалды хакатонға да тіркеу басталады.

АЛМАТЫ