Қазақстан • 11 Мамыр, 2022

Қазақстанда ANKA ұшқышсыз ұшақтар құрастырылады

460 рет
көрсетілді
1 мин
оқу үшін

10 мамырда Анкарада «Kazakhstan Engineering» ҰК» АҚ мен «Turkish Aerospace» арасында әскери-техникалық ынтымақтастық туралы меморандумға қол қойылды. Келісімге сәйкес, Қазақстанда «Kazakhstan Engineering» еншілес компаниясының базасында ANKA ұрмалы ұшқышсыз ұшу аппараттарын құрастыру және оларға техникалық қызмет көрсету желісі ұйымдастырылады, деп хабарлайды Egemen.kz.

Қазақстанда ANKA ұшқышсыз ұшақтар құрастырылады

Қазақстанда ANKA ұшқышсыз ұшақтарды бірлесіп өндіру туралы келісімге қазақстандық делегацияның Анкараға сапары аясында «Қазақстан Инжиниринг» ҰК» АҚ Басқарма төрағасы Теміржан Әбдірахманов және «Turkish Aerospace» (TUSAŞ) президенті, профессор Темел Котиль қол қойды.

Келісім шеңберінде ҰҰА-тарын бірлесіп өндіру саласындағы ұзақ мерзімді ынтымақтастық, сондай-ақ Қазақстан Республикасының Қарулы Күштері үшін ҰҰА-тарын техникалық қызмет көрсету және жөндеу үшін технологияларды беру және персоналды оқыту жоспарлануда.

Қазақстан - ANKA дрондары өндірісі жолға қойылған алғашқы шет ел. TUSAŞ бас директоры Темел Котиль жаңа келісім бауырлас Қазақстанмен достық байланыстарды одан әрі нығайтуға ықпал ететінін атап өтті.

ANKA барлау және соққы дрондары 2013 жылы Түркияда құрылып, ұрыс жағдайында сыналды. ҰҰА-ның ең жоғары ұшу салмағы 1 700 кг, пайдалы жүктемені 350 кг-ға дейін көтеруге қабілетті, ұшу уақыты - ең жоғары биіктігі 9 000 метрге дейін 30 сағатқа дейін. Қанатының ұзындығы 17,5 метр, ұзындығы шамамен 8 метр.