Қоғам • 12 Мамыр, 2022

Референдум нәтижесінде Президент өкілеттігіне бірқатар шектеу енгізіледі

135 рет көрсетілді

Әділет вице-министрі Алма Мұқанова 5 маусымда өтетін референдум нәтижесі бойынша оң шешім қабылданған жағдайда ҚР Президентінің өкілеттігіне бірқатар шектеу қойылатынын айтты, деп хабарлайды Egemen.kz.

«Референдумға шығарылып жатқан конституциялық өзгерістердің ішінде қоғамда кеңінен талқылауға түсіп жатқан мәселенің бірі – Президенттің лауазымына байланысты шектеулер. Ол дегеніміз, алдымен, Президенттің жақын туыстары үшін саяси лауазымдар мен квазимемлекеттік секторда басшылық лауазымдарды атқаруға шектеу қойылмақ. Екіншіден, Президенттің өз өкілеттіктерін жүзеге асыру кезеңінде саяси партия мүшесі болуына тыйым салынады», деді Алма Мұқанова Орталық коммуникациялар қызметі алаңында өткен баспасөз мәслихатында.

Министр орынбасарының айтуынша, Конституцияға енгізілетін өзгерістер 12 блоктан тұрады.

«Сонымен қатар Мемлекет басшысының аудан, облыс, шағын қалалар мен ауылдық округтердің әкімдерін сайлау және босату құқығы алынып тасталады. Көріп отырғаныңыздай, бұл Президент өкілеттілігінің қысқаруы деген сөз. Яғни «суперпрезиденттік» басқару үлгісінен бас тартуды білдіреді», дейді ол.

Соңғы жаңалықтар

Алматы маңында жер сілкінді

Аймақтар • Бүгін, 16:18

Доллар 9 теңгеге арзандады

Қаржы • Бүгін, 16:10

Ұқсас жаңалықтар