Бельгия әлемде тарап жатқан жаңа індет - маймылшешек ауруына шалдыққан науқастарға арналған міндетті карантин енгізген алғашқы ел болды. Бұл туралы ел үкіметінің баспасөз қызметі хабарлады. Карантин 21 күнге созылады. Үкімет бұндай шешімді 22 мамырда қабылдады.
ДДҰ мәлімдемесіне сәйкес, соңғы бірнеше аптада Бельгия, Франция, Германия, Италия, Португалия, Испания, Швеция және Ұлыбританияда маймылшешек ауруы анықталған. Еуропалық аймақтан тыс жерлерде Австралияда, Канадада және АҚШ-та да тіркелген жағдайлар бар.
ДДҰ мәліметі бойынша, қазір маймыл шешек ауруының 92 жағдайы расталған. Ұйым өкілдері тағы 28 адам карантин аймағында екенін айтты.
