Үкімет • 23 Мамыр, 2022

Қазақстан Иранмен көлік-логистиканы дамытуда келіссөз жүргізіп жатыр

20 рет көрсетілді

Иран мен Қазақстан көлік-логистика саласында маңызды өңірлік хабқа айнала алады. Бұл туралы ҚР Премьер-Министрінің орынбасары – сауда және интеграция министрі Бақыт Сұлтановтың Иран Ислам Республикасының бірінші Вице-президенті Мохаммад Мохбермен кездесуінде айтылды, деп хабарлайды Egemen.kz.

ҚР Үкіметі басшысының баспасөз қызметінен мәлім еткендей, қазақстандық делегация Тегеранда Иран Ислам Республикасының (ИИР) басшылығымен сауда-экономикалық ынтымақтастықты кеңейту және екі ел арасындағы транзиттік әлеуетті жандандыру мәселелері бойынша келіссөз жүргізді.

ИИР-дің бірінші Вице-президенті Мохаммад Мохбермен келіссөз барысында қазақстандық тарап Иран аумағы арқылы «Солтүстік-Оңтүстік» бағыты бойынша, кейіннен Парсы шығанағы, Африка, Оңтүстік Азия елдеріне және басқа да өңірлерге, оның ішінде мультимодальдық жүк тасымалдарын пайдалана отырып, жүктерді тасымалдауды ұлғайтуға мүдделілігін растады.

Қазақстан-Иран көлік ынтымақтастығын кеңейтудің маңыздылығы туралы айта келе, Иран тарапы көлік-логистикалық ынтымақтастықты дамыту жөніндегі келіссөздердің жемісті сипатын атап өтті. ИИР бірінші Вице-президенті М. Мохбер осы мақсаттарға қол жеткізу Иран мен Қазақстанды маңызды өңірлік хабқа айналдыра алатынын атап өтті.

Екі тарап та соңғы жылдары тауар айналымы өсімінің жақсы серпіні байқалып отырғанын атап өтті. Сонымен қатар Иранмен саудадағы қазіргі халықаралық шектеулер кезінде де әлеует елеулі болып қалуда. Мысалы, тамақ өнеркәсібінде Қазақстан астық, кондитерлік және ұн өнімдерінің, ет және ет өнімдерінің, сондай-ақ жануарлардан алынатын басқа да өнімдердің экспортын ұлғайтуға дайын.

Бұл ретте, Қазақстанда Иран жеміс-көкөніс өніміне сұраныс бар. Келіссөздер барысында тараптар өнеркәсіптік кооперация саласындағы ынтымақтастықты арттыру мәселелерін де талқылады. Ауыл шаруашылығы өнімдерін қайта өңдеу саласындағы бірлескен жобаларды, мысалы, ауыл шаруашылығы шикізатын қайта өңдеу жөніндегі жобаларды іске асыру үшін үлкен мүмкіндіктер бар екені атап өтілді.

Бұдан бөлек, сауда, ауыл шаруашылығы, денсаулық сақтау, мұнай, көлік және қалалық даму министрліктерінде, сондай-ақ теміржол әкімшілігінің, Ұлттық банктің, ұлттық мұнай компаниясының басшылығымен, Сауда-өнеркәсіп палатасының және елдің кейбір провинцияларының өкілдерімен кездесулер өтті.

 

Соңғы жаңалықтар

Коронавирус жұқтырғандар көбейді

Коронавирус • Бүгін, 10:29

Газеттер «сөйлеген» күн

Қазақстан • Бүгін, 08:34

Түркияда бақ сынайды

Спорт • Бүгін, 08:33

Әбиба қола алды

Спорт • Бүгін, 08:32

«Уимблдон» додасы басталды

Спорт • Бүгін, 08:30

Байтұрсыновқа арналған байқау

Ахмет Байтұрсынұлы • Бүгін, 08:22

Мемлекетті айыптап отыр

Әлем • Бүгін, 08:17

Сал-серінің соңы

Қазақстан • Кеше

GGG – CANELO: Ер кезегі үшке дейін...

Кәсіпқой бокс • Кеше

Алаш ардақтысын түркі әлемі ұлықтады

Ахмет Байтұрсынұлы • Кеше

Ұқсас жаңалықтар