Депутат еліміздің Конституциясына енгізілген өзгерістер мен 5 маусымда өтетін республикалық референдумның мәні туралы егжей-тегжейлі айтып берді. Сенатор Мемлекет басшысы Қасым-Жомарт Тоқаевтың бүкілхалықтық дауыс беруді өткізу жөніндегі бастамасы қазақстандықтарға өз болашағын таңдауға және сол арқылы жаңа Қазақстанды бірге құруға мүмкіндік беретінін атап өтті.
«Конституцияға Жаңа Қазақстанды құру жөніндегі өзгерістер енгізу мен жаңа бастамаларды іске асыру еліміздің қарқынды дамуына оң ықпал етеді. Бұл ретте халықтың осы процеске белсенді қатысуға тамаша мүмкіндігі бар», деді Нұрлан Бекназаров.
