Аймақтар • 31 Мамыр, 2022

Қызылорда облысында пара алған шенеуніктер сотталды

745 рет
көрсетілді
1 мин
оқу үшін

Қызылорда облысында спорт саласындағы лауазымды тұлғалар сотталды, деп хабарлайды Egemen.kz Антикорға сілтеме жасап.

Қызылорда облысында пара алған шенеуніктер сотталды

2022 жылдың 27 мамырында Қызылорда облысында Дене шынықтыру және спорт басқармасының басшысы Оспановқа қатысты айыптау үкімі шығып, оған 5 миллион теңге көлемінде айыппұл салынды. 

Осы үкіммен Олимпиадалық резервтің облыстық мамандандырылған балалар мен жасөспірімдер мектебінің 5 директоры Жұмабаев, Ильин, Ақбергенов, Сексембаев пен Кикбаев 10-20 миллион теңгеге дейін түрлі айыппұлдарға сотталды.

Барлық тұлғалар облыстың спорт мектептерінің қызметіне жүргізілген талдау бойынша оң шешім шығарғаны үшін тексеруші адамға 6,5 миллион теңге мөлшерінде пара беруге оқталғаны үшін кінәлі деп танылды.

Сотталғандар өмір бойы мемлекеттік қызметте қызмет атқару құқығынан айырылды. Үкім заңды күшіне енген жоқ.