Естеріңізге сала кетсек, астана уақытымен сағат 20.00-де еліміздің 12 өңіріндегі 8 089 және 10 шет мемлекеттегі Қазақстан елшіліктері жанынан ашылған 12 референдум учаскесінде дауыс беру аяқталды.
Ал сағат 21.00-де Ақтөбе, Атырау, Батыс Қазақстан, Маңғыстау және Қызылорда облыстарындағы 1 858 учаскеде өңір тұрғындары дауыс беріп болды.
Сонымен қатар шет елдердегі 5 учаске де жұмысын тоқтатты. Қазіргі уақытта шет елдердегі 48 учаскеде ғана дауыс беру жүріп жатыр.
Естеріңізге сала кетсек, сағат 20.00-дегі жағдай бойынша 7 936 655 адам дауыс берді. Бұл - дауыс беру тізіміне енгізілген азаматтардың 67,65 пайызы. Ал шетелде жүрген 5 100 отандасымыз өз таңдауын жасады.
Жалпы, еліміз бойынша референдумға қатысу мүмкіндігі және құқығы бар азаматтардың тізіміне 11 732 699 адам енгізілген болатын. Олар 10 012 референдум учаскесінде дауыс берді.
Сондай-ақ шетелдегі отандастарымыз үшін 52 мемлекеттегі Қазақстан елшіліктерінің жанынан 65 референдум учаскесі ұйымдастырылды.
