Босқындарға қатысты мәселелерді талқылады

Кездесу барысында министр БҰҰ босқындар істері жөніндегі Жо­ғарғы Комиссары басқармасына нәти­желі ынтымақтастық үшін ал­ғыс айтты.

«2022 жылдың наурыз айында Қазақстанның БҰҰ құрамына қабылданғанына 30 жыл толды. Бізді БҰҰ-ның елдік командасымен көпжылдық ынтымақтастық байланыстырады. Қазақстан 1951 жылғы босқындар мәртебесі жөніндегі Конвенцияға 1999 жылы қосылды. Бұдан бөлек Қазақстан адам құқық­тары жөніндегі халықаралық құжат­тардың басым көпшілігіне қосылды. Атап айтқанда, азаматтық және саяси құқықтар жөніндегі халықаралық пакт, бала құқықтары жөніндегі Кон­­­венция, азаптауларға қарсы Кон­­­вен­ция, әйелдерге қатысты дис­кри­минацияның барлық түрін жою жө­ніндегі Конвенция және т.б.

Өздеріңіз білесіздер, 2010 жыл­ғы 1 қаңтарда республика аума­­ғында пана іздеушілер мен бос­қындардың құқықтық жағдайын анық­­тауға ба­ғытталған «Босқындар туралы» заң күшіне енді. Босқындар Қа­зақ­стан Республикасының қор­ғауын пайдаланады. Құқықтық кө­мек­пен қатар, оларға үкіметтік емес ұйымдар, халықаралық ұйым­дардан материалдық және гума­нитарлық қолдау көрсетіледі», деді Т.Дүйсенова.

Министр босқындарға, сондай-ақ пана іздеушілерге көрсетілетін көмектің барлық циклінің тиімді жұмыс істеуін қамтамасыз ететін үйлестіруші ретінде БҰҰ босқын­дар істері жөніндегі Жоғарғы Комис­сары басқармасының рөлі жоғары екенін айтты. Сондай-ақ Тамара Дүйсенова басқарманы Алматы процесін құруға үлес қосқан, аралас көші-қон динамикасы мен босқындардың құқықтарын қорғау нәтижесінде туындайтын проблемаларды шешуге бағытталған диалог алаңы ретінде атап өтті.

«Қазақстан Республикасының Құқық қорғау және сот жүйесін реформалау аясында Ішкі істер министр­лігінен Еңбек және халықты әлеуметтік қорғау министрлігіне босқындар саласындағы функция­лар берілді. Осыған байланыс­ты, көші-қон және босқындар сала­сын­дағы бірыңғай саясатты қам­тамасыз ету үшін біздің ми­нистр­­лігіміздің жанынан Көші-қон ко­митеті құрылды.

Сонымен қатар біз БҰҰ-ның Нью-Йорк декларациясының бос­қындар мен мигранттар туралы шешімдерінен, босқындарға қа­тыс­ты кешенді шаралар мен бос­қын­дар туралы жаһандық шарт шеңберінде туындайтын өзге де ша­раларды іске асыруды жос­пар­лап отырмыз», деп атап өтті Т.Дүйсенова.

Өз кезегінде БҰҰ Орталық Азия­дағы босқындар істері жөніндегі Жоғарғы Комиссары басқар­ма­сының Өкілі босқындар мен пана із­деушілердің құқықтарын қорғау мәсе­лелері бойынша бірлескен жұ­мыстың маңыздылығын атап өтті.

«Біз Еңбек және халықты әлеу­мет­тік қорғау министрлігімен бос­қындар мәселелері бойынша заң­нама мен тәжірибені жетілдіру жөніндегі ынтымақтастықты жо­ға­­ры бағалаймыз. Бұл күш-жігер босқындардың қауіпсіздігін қам­та­масыз етуге және оларды Қа­зақ­станның Адам құқықтары сала­сын­дағы күн тәртібіне сәйкес қор­ғауға көмектеседі деп санаймыз. Сондай-ақ біздің бірлескен жұмысымыз босқындарға оларды қабылдайтын қоғамның игілігі үшін өз әлеуетін толық іске асыруға мүмкіндік бе­реді деп үміттенеміз», деді Ханс Фридрих Шоддер.

Екіжақты қарым-қатынастарды одан әрі нығайту және дамыту үшін Тамара Дүйсенова мен Ханс Фридрих Шоддер бірлескен іс-шаралар Жоспарына қол қойды. Құжат босқындар мәселелері бойынша құзыретті жергілікті атқарушы органдардың қызметкерлері үшін оқыту тренингтерін өткізуді, сондай-ақ босқындардың құқықтарын қор­ғау саласындағы заңнаманы же­­тіл­ді­ру бойынша бірлескен ұсы­ныс­тар әзірлеуді көздейді.