Ал «Әлемдік модель-2022» халықаралық таланттар мен сұлулық байқауы Ресей Федерациясындағы Сочи қаласында өтті. Төрт кезеңмен өткен байқауға әлем елдерінен 100-ден астам үміткер қатысты. Қазақстаннан қатысқан Мәриям Ишанғалиева бірінші орынға қоса «Әлемдік модель-2022» титулын жеңіп алды. Жеңімпаз қазақстандыққа «Жер шарының сұлуы-2022» байқауына жолдама табысталды. Бұл байқау тамыз айында Мәскеуде өтеді.
– Мәриям қатысушылардың көптігін көргенде, біраз уайымдады. Себебі әрқайсысы өз елінің ең мықты моделі ғой. Биыл Мәриям қазақтың ұлттық киімімен сахнаға шықты. Ұлттық киім Мәриямның бағын жандырды. Қазылар алқасының мүшелері де, фотографтар да Мәриямның өзіне сенімді екенін жоғары бағалады, – дейді анасы Арайлым Қарабалаева.
Енді Мәриям Ишанғалиева қыркүйекте Түркияда өтетін сән апталығына шақырту алды. Ал қазан айында Дубайға осындай апталыққа барады.
– Кішкентай кезінен биге әуес болды. Кейін жарнамалық роликтерге түсті. Бірақ мектептегі сабақ үлгерімін төмендеткен жоқ. Жыл сайын үздіктер қатарынан көрініп жүр, – дейді анасы.
Атырау облысы
