«Ішкі істер министрлігі тұрғындардан заңсыз сақталған атыс қаруларын, оқ-дәрі мен жарылғыш заттарды сатып алу республикалық акциясын жалғастырып жатыр. Қару-жарақты өз еркімен тапсырған азаматтарға әр қарудың жай-күйіне байланысты 10-нан 100 айлық есептік көрсеткішке дейінгі сома төлеу көзделген. Акция өткізілген 2 айдың ішінде полицияға азаматтар 1 232 бірлік қару мен 9 мыңнан астам оқ-дәріні өз еріктерімен тапсырды», деді Шұғыла Тұрлыбек.
Министрлік өкілінің айтуынша, тапсырылған барлық қару-жарақ Ішкі істер министрлігінің деректер базасы арқылы криминалдық сараптамадан өткізіледі.
