Білім • 21 Маусым, 2022

Алматыда бастауыш сынып оқушылары тегін ыстық тамақпен қамтылады

145 рет көрсетілді

Жаңа оқу жылында Алматы қаласының 1-4 сынып оқушылары тегін ыстық тамақпен қамтылады. Бұл туралы Оқу-ағарту вице-министрі Ғани Бейсембаев айтты, деп хабарлайды Egemen.kz.

«Балалар жылында» бастауыш сынып оқушыларын тегін ыстық тамақпен қамту 10 пайызға өсті. Бұл бағытта Нұр-Сұлтан, Шымкент қалалары, Атырау, Батыс Қазақстан, Қарағанды, Павлодар облыстарының жұмысын атауға болады. Жаңа оқу жылынан бастап Алматы қаласы да 1-4 сынып оқушыларын тегін ыстық тамақпен қамтуды жоспарлап отыр», деді Ғани Бейсембаев министрліктің аппарат жиналысында.

Вице-министрдің айтуынша, «Оқуға құштар мектебі» республикалық жобасы аясында балалар арасында оқырмандар қозғалысы жандандырылды. Мектеп кітапханаларының кітап қоры 2,2 миллион дана жаңа көркем, балалар әдебиетімен жаңартылды.

Сондай-ақ балалардың құқықтарын қорғау саласындағы волонтерлік қозғалысқа серпін берілді. Үйде оқитын балаларға көмек көрсетуге 63 мыңнан астам еріктілер қатысты.

«5-11 сыныптарда жаңа оқу жылынан бастап азаматтықты, адалдықты, парасаттылықты, этиканы, медиасауаттылықты, қаржылық сауаттылықты қамтитын «Патриотизм және жаһандық құзыреттер» курсы енгізіледі», деді вице-министр.

Соңғы жаңалықтар

Қазақстанда ұн қымбаттады

Қоғам • Бүгін, 10:53

Алтын белбеу үшін таласады

Спорт • Бүгін, 08:40

Жарысты жеңіспен бастады

Спорт • Бүгін, 08:38

Көнеден жеткен көрік

Таным • Бүгін, 08:30

Салым мен алым деңгейі

Қаржы • Бүгін, 08:25

Дипломаттар марапатталды

Саясат • Бүгін, 08:20

Каспий мәселесі талқыланды

Саясат • Бүгін, 08:18

Ұқсас жаңалықтар