Аймақтар • 06 Шілде, 2022

Озық өндіріс орнында болды

27 рет көрсетілді

«Кирпич СК» зауыты – Солтүстік Қазақстан облысының Қызыл­жар ауданындағы Подгорное селосына орналасқан тәулі­гіне 150 мың кірпіш шығаратын озық өндіріс. Мәжіліс депутаттары Ерлік Тайжанов пен Дмитрий Колода осы жылдың мамыр айында іске қосылған осы кәсіпорынның жұмысымен танысты.

Зауыт басшыларының айтуына қарағанда, бұл зауыт толық күшіне енгенде облыс қана емес, республиканың отандық кірпішке деген сұранысының 40-50 пайызын қамтамасыз ететін болады екен.

Мәжілісмендер сапарының мақ­саты – сайлауалды бағдар­ла­маларды орындау бойынша жол карталары шеңберінде іске асы­рылған нысандарға мониторинг жүргізу. Жаңа өндіріске «Солтүстік» ӘКК қолдау көрсе­туде. «Кирпич СК» ЖШС дирек­торының орынбасары Абель Бер­нецянның айтуынша, өндірістің екінші желісін салу есебінен мұнда тәулігіне 300 мыңға дейін кірпіш өндіру жоспарланып отыр. Ал ол жоғарыда айтқанымыздай, елдегі кірпіш мұқтаждығының 40-50 пайызын жаба алады. «Бір кірпіштің бағасы 115 теңгені құрайды, бұл сырттан әкелінген тауарға қарағанда 30 теңгеге арзан. Шикізат жергілікті, соның ішінде саз Қызылжар ауданындағы Подгорное ауылындағы карьерден алынады, көмір Бескөл ауылы­нан әкелінеді», дейді Абель Бер­нецян.

Қазір кәсіпорында екі ауысымда 100-ге жуық адам еңбек етеді, орташа жалақы 200-ден 250 мыңға дейін. Қазір зауыт тек жазғы маусымда ғана жұмыс істейді, бірақ жақын арада басшылық жыл бойы жұмыс режіміне көшуді жоспарлап отыр.

Кәсіпорыннан алған әсерімен бөліскен Дмитрий Колода: «Ең бастысы, мұнда жергілікті материалдар пайдаланылады, алыстан ешнәрсе тасудың қажеті жоқ. Ол өзіндік құнды тұрақты ұстауға мүмкіндік береді. Тағы бір плюсі – екінші материалды пайдалану. Бескөл ауылының орталық қазандығынан жанып жатқан көмір кірпіш өндіру үшін осында әкелінеді. Проблемалық сұрақтар түскен жоқ, біз кейбір туындаған мәселелерге қатысты арнайы сауалдар жасайтын боламыз», деді.

Жалпы депутаттардың көш­пелі іс-шаралары 10 күн бойы жалғасады. Осы уақыт ішінде мәжі­лісмендер азаматтарды қабыл­дап, су, жолдар, қоныс аудару­шыларға арналған үйлер салуға байланысты және басқа өзекті мәселелерді қарайды.

 

Солтүстік Қазақстан облысы

Соңғы жаңалықтар

Вакцина салдырғандар саны артты

Коронавирус • Бүгін, 09:17

1227 қазақстандық індеттен сауықты

Коронавирус • Бүгін, 09:08

Қарсыластар анықталды

Спорт • Бүгін, 08:47

Путинцева ұтылып қалды

Спорт • Бүгін, 08:46

Мерей күміс алды

Спорт • Бүгін, 08:45

Сербиядан олжалы оралды

Спорт • Бүгін, 08:43

Теміртауда газ тұтанды

Аймақтар • Бүгін, 08:43

Медаль саны 70-тен асты

Спорт • Бүгін, 08:38

Жүлдегерлердің жүзі жарқын

Спорт • Бүгін, 08:37

Әдебиеттану тарланы

Әдебиет • Бүгін, 08:33

Шүмектен шыққан су мен шу

Қоғам • Бүгін, 08:23

«Әйнегіңізді жуып берейік»

Қоғам • Бүгін, 08:21

Шекараның шебі берік

Қазақстан • Кеше

Бақыт министрлігі

Қоғам • Кеше

Электр желілері тозып тұр

Экономика • Кеше

Шығын көбейсе, тариф өседі

Экономика • Кеше

Ұлт ұстазының ұлағаты

Ахмет Байтұрсынұлы • Кеше

«Қылмыскер» қалам

Өнер • Кеше

Бетховеннің өмірі

Өнер • Кеше

Ұқсас жаңалықтар