Қоғам • 05 Шілде, 2022

Кітапханашылардың жалақысы аз

92 рет көрсетілді

Кітапхана қызметінде жұмыс істейтін жас мамандардың жалақысы 65 мың теңге. Лайықты еңбектің қайтарымы болмағандықтан, жастар бұл саладан кетуге мәжбүр. Бұл туралы Семейдегі Абай атындағы кітапхананың қызметкерлері өңірге келген Парламент Мәжілісінің депутаттары Әмірхан Рахымжанов пен Жанат Омарбековамен өткен кездесуде айтты.

Әмбебап кітапхана Қазақ­стандағы тарихи-мәдени ны­сан­дардың бірі саналады. Оның ашылуы 1883 жылы мұражай орналасқан облыстық статистика комитетінің ғимаратында өткен еді. Ұзақ жылдар кітапхананың тұрақты оқырмандарының қатарында ұлы шайыр Абайдың өзі болған. Тәуелсіздік алғаннан кейін 1992 жылы кітапханаға хакімнің есімі берілді. Қазір мұнда 8 бөлім, 39 кітапханашы жұмыс істеп келеді.

Кітапхана қорында 385 мыңнан астам кітап бар, оның құнды мәліметтеріне 19 мыңнан астам оқырман қанығып жүр. Кітап беру көлемі жылына 400 мың­ға жуықтайды. Жыл сайын кітап­ханада 400-ге жуық түрлі мәдени іс-шара ұйымдастырылып келеді.

Кездесу барысында депутаттар жүргізіліп жатқан жұмыстар мен жаңадан құрылған Абай облы­сында бірінші кезекте шешілуге тиіс бірнеше мәселеге тоқталды.

Кітапхана қызметкерлері өз тарапынан бірқатар қордаланған проблеманы жеткізді. Атап айтқанда, кітапхана жүйесін цифр­ландыру, жалақыны арттыру, сол секілді жас мамандарға қо­лай­лы жағдайлар жасау сала­дағы күн тәртібіндегі мәсе­ле­лер­дің қа­та­рында. Сондай-ақ кітап­хана тура­лы заң қабылдау қажет­тігі тура­лы ұсыныстар да айтылды.

Бұдан бөлек, депутаттарға кітапханалар, мұрағаттар және ірі компанияларға арналған жаппай цифрландыру жобаларын жүзеге асыруға септесетін арнайы автоматты кітап сканерлерінің жетіспеушілігі туралы айтылды. Қазір үлкен кітапхана қорындағы тек 5,5 мыңнан астам кітап қана цифрландырылған.

Кітапханада ауқымды кітап қоры болғанымен, қажетті техно­логияның тапшылығынан бір­қатар қиындық туындап отыр. Ай­талық, XIX ғасырда жарық көр­ген көптеген журнал мен кітап әлі цифрландыру процесінен өткі­зілмеген. Бұл тұтастай кітап­ха­наның цифрлы тұрғыда дамуына кері әсерін тигізіп отыр.

 

Абай облысы

Соңғы жаңалықтар

Әуезов және түркі әлемі

Руханият • Кеше

Идеология

Руханият • Кеше

Мейірім мен қатыгездік

Руханият • Кеше

Ескі мен жаңа арасы

Руханият • Кеше

Би падишасы

Руханият • Кеше

Сапа қайтсе жақсарады?

Қазақстан • Кеше

Қайырымдылықтың үлгісі

Қазақстан • Кеше

Сақ дәуірінің тасы

Таным • Кеше

Ұқсас жаңалықтар