«Бізге 18 жастағы жігіттер борышын өтеуге келеді. Солардың ішінде, өкінішке қарай, мойнында 9 млн теңге тұрмыстық және басқа да несиесі бар сарбаздар болды. Бұл – бір себебі. Яғни, бұдан да бөлек әлеуметтік проблемалар бар. Соның бәрі суицидтің триггері болып жатыр. Жалпылама айту қиын. Әр жағдайды жеке алып қарау керек. Әр жағдайда бір өмір қиылып жатыр. Сондықтан себебін жалпылама сипаттап айтуға болмайды», деді ол Орталық коммуникациялар қызметінде өткен брифингіде.
Вице-министр биыл тіркелген қайғылы оқиғалардың себебіне де тоқталды.
«Бізде болған 4 қайғылы жағдай туралы айтсақ, екеуі отбасындағы тұрмыстық даудан болған. Қалған екеуі бойынша тергеу шаралары жүріп жатыр. Сондықтан нақты мәлімет айта алмаймын», деді Дархан Ахмедиев.
