Аймақтар • 12 Тамыз, 2022

Курчатовта медицина мамандары тапшы

30 рет көрсетілді

Курчатовтағы қалалық ауруханада көп жылдан бері жөндеу жұмыстары жүргізілмеген. Бұған қоса мұнда кадр тапшылығы қатты сезіліп отыр. Бұл туралы Абай облысының әкімі Нұрлан Ұранхаевтың осы өңірге жасаған сапары кезінде белгілі болды.

Ғылым саласы жолға қо­йыл­ған мо­но­шаһардағы көп­салалы ауруханаға 10 мың­дай адам тіркелген. Алайда қа­жетті маманның тапшылы­ғынан ха­лық­қа сапалы меди­ци­на­лық қыз­мет көрсету қиын болып тұр.

Аталған медициналық ұйым­ның бас дәрігері Зәуре Са­ды­бекова қазір ғи­мараттың екін­­ші қабатында күрделі жөн­­деу жұмыстары жүргізіліп жат­қанын айтты.

«Біздің аурухана 1980 жылы салын­ған. Курчатовта тек бір аурухана, яғни біздің ұйым ғана халыққа қызмет көр­сетіп келеді. Алайда тіркелген ха­лық­тың саны – 10 мың. Мекемеде тәулік бойы қызметке арналған 35 төсектік орын, алғашқы меди­ци­на­лық-санитарлық көмек қыз­меті, қабылдау бөлімінің жұ­мысы және клиникалық-диагностикалық емхана жолға қойылған. Биыл екінші қабатқа 73 млн теңгеге күрделі жөндеу жүргізіліп жатыр. 100 киловатт-сағат болатын ди­зель стансасы салынды. Сонымен қатар аурухана 24 млн теңгеге лифт жаб­дық­тарымен қамтамасыз етілді», деді З.Садыбекова.

Бұл орайда медициналық ұйым ғи­ма­ратының басқа да қа­баттары жөн­деуді қажет ете­тіні айтылды. Соны­мен қоса мұнда кейбір жабдықтар мен кадр­лар жетіспейді.

«Үнемделген қаражат есебі­нен аумақ­та көркейту жұмыс­тары жүр­гізіліп, тас төсемдері орнатылды. Ке­лесі жылы ғи­ма­­рат­тың қалған қа­бат­тарына күр­делі жөндеу жүргізу жоспарланып отыр. Негізі жобалық-сметалық құжат дайын болған. Бірақ оның уақыты ескіріп кет­кендіктен жаңасы дайында­лып жатыр. Ме­дициналық жаб­дықтар да қажет. Неге де­сеңіз, босандыру бөлмесін екінші деңгейге ауыстыру жоспарланып отыр. Сондықтан босандыру бө­лімшесін балалар мен ересектерге арналған өкпені жасанды жеделдету аппаратымен жа­рақ­тау қажет.

Бұдан бөлек, кадр мәселесі өзекті. Мысалы, бізге хирург, педиатр, кардио­лог және гинеколог сынды мамандар же­тіс­пей­ді», деді аурухананың бас дәрігері.

Сондай-ақ медициналық ұйымның басшысы ауруханаға кіреберіс жолдың жоқтығын айтып, жарықтандыру мәсе­лесі шешімін тапса екен деген өтіні­шін жет­кізді. Себебі кешкі уа­қыттарда бұл маң­нан ауру­ха­наға апаратын жолды табу қиын.

Өңір басшысы Курчатовтағы әлеу­мет­тік-экономикалық мәсе­ле­лер­ді, оның ішінде жер­гілікті денсаулық сақ­тау сала­сын реттеу үшін қалаға «ғы­лым қала­шы­ғы» мәртебесін беру керек деп санайды. Осы арқылы жо­ға­рыдағы қордаланған проблемалар лайықты шешімін табар еді дейді облыс әкімі.

 

Абай облысы,

Курчатов қаласы

Соңғы жаңалықтар

Өңір және өркениет

Саясат • Кеше

Аға буынның қолдауы

Саясат • Кеше

Есімнен кетпес Есағаң

Руханият • Кеше

Бар үміт – Бубликте

Теннис • Кеше

Оқырманның рухани олжасы

Егемен Қазақстан • Кеше

Ұқсас жаңалықтар