Әлем • 16 Тамыз, 2022

Испанияда орман өртін сөндіруге 25 тікұшақ жұмылдырылды

461 рет көрсетілді

Испанияда қатты жел мен жекелеген аймақтардағы ерекшеліктерге байланысты орман өрттерін сөндіру қиынға соғып тұр, деп хабарлайды Egemen.kz.

Испанияның RTVE қоғамдық телеарнасының мәліметінше, Аликанте провинциясының (елдің шығысы) Валь-де-Эбо муниципалитетіндегі өрт 9,5 мың гектар жердегі орманды жойған. 2 мың адам көшіп кетуге мәжбүр болған. Құтқарушылардың айтуынша, бұл – жану ошақтарына бару қиындық тудыратын, беткейлері бар жер. Өртті сөндіруге шамамен 25 тікұшақ пен әскерилер жұмылдырылды.

Өткен түнде әскери төтенше жағдай жасағы Сарагоса провинциясында және Лес-Усерес муниципалитетіне жақын жерде өрттің таралуын тоқтатты.

Орман өрттері жөніндегі еуропалық ақпарат жүйесінің мәліметтері бойынша, биыл Испанияда ыстық ауа райы мен құрғақшылық салдарынан 390 орман өрті болған, олар жалпы 265,467 гектар жерді шарпыды.

Соңғы жаңалықтар

COVID-19: Вакцина алғандардың саны артты

Коронавирус • Бүгін, 09:58

Ұқсас жаңалықтар