Оқиға • 16 Тамыз, 2022

Алматыда есірткі сатумен айналысқан топ ұсталды

37 рет көрсетілді

Алматыда есірткіні өндіру және сатумен айналысқан топ ұсталды, деп хабарлайды Egemen.kz.

Алматы қаласы полиция департаментінің мәліметінше, есірткі қылмысымен айналысқан топ қаланың Түрксіб ауданындағы Майлин көшесінде ұсталды.

«Күдіктілердің қолында бірнеше пакет болды. Оның ішінде өсімдік тектес заты бар 120-дан астам бума және шөпті дозаға бөліп, орауға арналған жабдық бар. Тәркіленген заттай айғақтар бойынша сот-химиялық сараптама тағайындалды. Жұптың тек есірткі таратумен ғана емес, өндірумен де айналысатыны анықталды. Соңғы іс-әрекеттері бойынша олардың сыбайластары бар екені белгілі болды. Олар - 35 жастағы ер адам мен 23 жастағы азаматша. Олар Алматы облысы Талғар ауданы аумағындағы үйлерінде қылмыстық өндірісті бастаған. Мұнда өз аймақтарында өсірілген шикізатты өңдеген», деді Алматы қалалық полиция департаментінің Есірткі қылмысына қарсы күрес басқармасының бастығы Ерлан Әлмағамбетов.

Қылмыстық кодекстің 296-бабы 4-бөлігінде көзделген қылмыс белгілері бойынша есірткі зертханасының жұмысында пайдаланылған құралдар, дайын шикізат, бұталар тәркіленіп, қылмыстық іс материалдарына тіркелді.

«Сот-химиялық сараптамаға сондай-ақ «саңырауқұлақ» деп аталатын сұр зат жіберілді. Күдіктілер қамауға алынды. Есірткі зертханасы жойылды. Қазір есірткі сатушылардың тұрақты «клиенттерінің» шеңбері құрылуда», деді Е.Әлмағамбетов.


Соңғы жаңалықтар

Цифрлық таңбалау жүйесі

Қазақстан • Кеше

Көліктер QR-код тағады

Қазақстан • Кеше

Жол жөнделсе, іске сеп

Аймақтар • Кеше

Доллар бағамы өсті

Қаржы • Кеше

Ұқсас жаңалықтар