Теннис • 17 Тамыз, 2022

Алан алған 15-ші жүлде

30 рет көрсетілді

Үстел теннисінен зор үмітімізге балаған Алан Құрманғалиев бізді тағы да толайым табысымен қуантты. Жас спортшы Швецияның Хельсингборг қаласында өткен WTT Youth Contender халықаралық турнирінде 15 жасқа дейінгі теннисшілер арасында чемпион атанды.

Алан Құрманғалиев осының алдында Мажарстан мен Тунисте ересектер ара­сын­да өткен жарыстарда сәтсіз өнер көр­сеткен болатын. Қазақстан құрама коман­да­сының бас жаттықтырушысы және чем­пионның жеке бапкері Эльмира Әлиева жас спортшы­ның осы жеңілістен лайықты қорытынды шығара білгенін айтады.

 – Алан U-17 санатындағы сегіздік­ке кіру жолында Үндістаннан келген мық­ты қарсыласына есе жіберіп алды. Біз осы ойынға мұқият талдау жасадық та, қате­ліктермен жұмыс істедік. Сол себепті, Алан корей спортшысымен болған финал­дық жекпе-жекке сақадай-сай дайындықпен шықты, – деді Э.Әлиева.

Хельсингборгтегі турнирде қараған­дылық теннисші әуелі даниялық Янус Бедстедті 3:0 есебімен тізе бүктірді. Одан кейін үндістандық Баламуруган Раджа­секаран мен неміс Фридрих Кун Фон Бургсдорфты 3:1 есептерімен және швед Питер Алестедтті 3:0 есебімен жарыс жолы­нан шығарды. Жартылай финалда ол кореялық қарсыласы Ли Сынсуды 3:0 есе­бімен бетқаратпай жеңді. Ал финал­да болған аса тартысты өткен матчта оңтүстік­кореялық тағы бір теннисші Квон Хектен басым түсіп, турнирдің чемпионы атанды.

Еске салар болсақ, бұл – Алан Құрман­ға­лиев сынды талантты теннисшінің халық­­аралық турнирлерде жеңіп алған 15-ші медалі.

 

Қарағанды облысы

Соңғы жаңалықтар

Елордада Astana Marathon-2022 өтеді

Елорда • Бүгін, 12:16

Сомалиде жарылыс болды

Әлем • Бүгін, 10:25

Бүгінгі валюта бағамы

Қаржы • Бүгін, 10:13

Екінші орынға табан тіреді

Спорт • Бүгін, 07:32

Овертаймда жеңді

Хоккей • Бүгін, 07:30

Өзбекстаннан басым түсті

Спорт • Бүгін, 07:28

Шерағаң – сахна төрінде

Театр • Бүгін, 07:27

Көңіл арбаған кеңістік

Әдебиет • Бүгін, 07:23

Ұстаздар ұлықталған күн

Білім • Бүгін, 07:20

Жастар – табиғат қамқоршысы

Экология • Бүгін, 07:17

Ұқсас жаңалықтар