Ведомство басшысы жаңа жобаның маңызы мен мақсатын түсіндіріп берді.
«Бұл – Қазақстанда бұрын-соңды болмаған, тіпті әлемде теңдесі жоқ марафон-бәйге. Сондай-ақ бұл аламан жай ғана ат жарысы емес – қазақ халқының салт-дәстүрін жаңғыртатын, рухын оятатын, Қазақстанның бай табиғаты мен тарихын зерделейтін, жаңа туристік бағыттарды қалыптастыратын тың жоба болмақ. Бұл бәйге болашақта өзіміздің ат үстіндегі дәстүрлі «Париж Дакарымыз, Тур де Франсымыз» болады деп үміттенемін», деп жазды Дәурен Абаев Facebook-тегі парақшасында.
Марафон 17 қыркүйекте Нұр-Сұлтан қаласында басталып, 29 қыркүйекте Түркістанда аяқталады деп жоспарланып отыр. Оған еліміздің әр өңірінен бір команда қатысады.
Бас жүлденің жеңімпазы 30 млн теңге, 2 орын иегері – 20 млн теңге, 3 орын үшін 15 млн теңге ұтып алады.
