Кеше Парламент Сенаты Төрағасының орынбасары Александр Судьин Моңғолия Ұлы Мемлекеттік Хұралы (Парламенті) аппаратындағы Хатшылықтың хатшысы Сандаг Магнайсурэн бастаған делегация мүшелерімен кездесті, деп хабарлады осы палатаның баспасөз қызметі.
Кездесу барысында Қазақстан-Моңғолия арасындағы ынтымақтастықты, оның ішінде парламентаралық өзара іс-қимылды одан әрі тереңдету мәселелері талқыланды. “Қазақстан Моңғолиямен екіжақты және көпжақты тұрғыдағы қатынастарды нығайтуға мүдделі”, – деді А.Судьин. Төраға орынбасары сондай-ақ жоғары деңгейде белгіленген ынтымақтастық басымдықтары мемлекетаралық қатынастардағы барлық секторларда байланыстарды қарқынды өрістетуге мүмкіндік беретінін атап өтті.
С.Магнайсурэн заң шығару ісіндегі тәжірибемен танысу мүмкіндігі үшін Сенат басшылығына алғыс білдіре отырып, Парламент жоғарғы палатасының басшысы Қ.Тоқаевқа Ұлы Мемлекеттік Хұрал Төрағасы Д.Дэмбэрэланың ізгі тілектестігін жеткізді.
Соңғы жаңалықтар
Семейде Шәкәрім Құдайбердіұлының ескерткіші бой көтерді
Әдебиет • Бүгін, 09:20
Жаңа тариф жергілікті халыққа тиімді
Табиғат • Кеше
Қарағанды облысында алты жасар бала өзенге батып кеткен
Төтенше жағдай • Кеше
Анасы түрмедегі ұлына телефон кіргізбек болған
Қоғам • Кеше
