Облыстық Төтенше жағдайлар департаментінің хабарлауынша, 10 қыркүйек күні таңертең өрт ошақтарын анықтау үшін МИ-171 тікұшағымен комиссиялық ұшу орындалды. Аумақта 125 га болатын үш түтін ошағы бар екені анықталды.
«Сағат 10:30-да тікұшақтар әуеден екі рет су шашты (6 тонна су). Үш күнде барлығы 22 рет су шашты (66 тонна су). Өртті сөндіру жұмыстары жалғасуда», деді ТЖД баспасөз қызметі.
Өртті сөндіруге барлығы 232 адам, екі тікұшақ, 26 техника, 60 рюкзак бүріккіш және 11 ат жұмылдырылған.
«Қазгидромет» РМК-ның мәліметінше, 10 қыркүйекте Жетісу облысының таулы және тау бөктеріндегі аудандарында найзағай күтіледі.
