ЕСЕПТІЛІК ЕРЕЖЕСІ ЖӘНЕ ШЫНАЙЫ АҚПАРАТ

Кеше Мәжіліс Төрағасының орынбасары Ж.Кәрібжановтың төр­ағалығымен Үкімет сағаты болып өтті. Онда “Мемлекеттік статис­ти­каны жетілдірудің басты бағыттары” деген тақырып тал­қыға салынды. Үкі­мет сағатында аталған тақырып бойынша Ста­тистика агенттігінің төр­ағасы Әлихан Смайылов баян­дама жасады. Агенттік статистиканың 20 са­ла­сы бойынша мыңнан астам не­гізгі және 16 мыңға жуық нақты­лан­ған статистикалық көрсет­кіш­терді әзірлейді, деді төраға. Қажетті ақпаратты алу үшін статистика органдары статистикалық қызметті жүзеге асыру аясында 190 мыңнан аса заңды тұлғалармен, филиалдар және өкілдіктермен, 48 мың жеке кәсіпкерлермен, 33 мың үй шаруа­шылықтарымен өзара іс-қимыл жүргізіп, 11 мың тіркеу орындары бойынша бағаны тіркеу және басқа да байқаулар өткізген. Ағымдағы жылғы 27-28 мамыр­да  Астанада Экономикалық ынты­мақтастық ұйымы құрамындағы 10 қатысушы елдің  ұлттық статис­тикалық офистері басшыларының екінші кеңесін өткізу жоспарланып отыр. Үкімет сағатында депутаттар тарапынан әралуан пікірлер айтылып, олардың қойған көптеген сұрақтарына жауап берілді. Асқар ТҰРАПБАЙҰЛЫ.