ТАСС агенттігінің мәліметінше, осыдан 21 жыл бұрын Манхэттеннің төменгі бөлігінде болған лаңкестік оқиғада құрбан болғандарды еске алу үшін жүздеген адам жиналған.
Полиция әйгілі егіз мұнаралар тұрған жерде құрылған Ground Zero мемориалдық кешеніне жақын орналасқан көшелерді алдын-ала қоршап алған. Аза тұту рәсіміне қаза болғандардың туыстары мен қайғылы оқиға болған күні сол жерде жұмыс істеген дәрігерлер, құтқарушылар мен полиция қызметкерлері қатысты.
Сондай-ақ рәсімге АҚШ вице-президенті Камала Харрис те қатысты. Ал американдық көшбасшы Джо Байден іс-шараға биыл қатыспады.
Еске сала кетсек, осыдан 21 жыл бұрын Вашингтоннан Лос-Анджелеске ұшқан төрт жолаушылар ұшағының біреуін террористер басып алған. Осылайша, American Airlines авиакомпаниясының Boeing 757 ұшағы Қорғаныс министрлігінің ғимаратына соғылып, 2977 адам қайтыс болған.
