Мәдениет министрлігіне жаңа орынбасарлар тағайындалды

АСТАНА. 15 мамыр. Мәдениет министрлігінде жаңа кадрлық тағайындаулар болды. Бұл туралы «Қазақстан жаңалықтары» хабарлады. Үкімет қаулысы негізінде Жанай Сейітжанұлы Омаров пен Асқар Ысмайылұлы Бөрібаев бұрынғы қызметтерінен босатылып, Мәдениет министрінің орынбасарлары болып бекітілді. Кезінде Мәдениет министрлігі  ақпарат және қоғамдық келісім департаментінің директоры, Президенттің баспасөз хатшысы, «ҚазАқпарат» агенттігінің басшысы, «Караван» газетінің бас редакторы қызметтерін атқарған Жанай Омаров 2011 жылдың шілдесінен осы күнге дейін «Казахстанская правда» РГ» акционерлік қоғамының басқарма төрағасы болып келді. Ал Асқар Бөрібаев Алматыдағы Құрманғазы атындағы мемлекеттік консерваторияның аға оқытушысы, доценті, «Солисты Патры» оркестрінің орындаушысы – Афины консервториясының профессоры болған. 2007 жылдан 2008 жылдың наурызына дейін Мәдениет және ақпарат вице-министрі, ал 2010 жылдың наурызынан Мәдениет вице-министрі қызметін атқарған. Жолдыбай Базар. Дереккөз: «Қазақстан жаңалықтары». Фото: Facebook.com.