Азаматтарды кезекті жеке қабылдау

Бас прокурор Асхат Дауылбаев кезекті рет азаматтарды жеке қабылдау жүргізді. Арыз берушілердің өтініштері қылмыстық, азаматтық және әкімшілік істер бойынша сот актілеріне, сондай-ақ, әлеуметтік-экономикалық және қылмыстық процестің сотқа дейінгі сатысы саласындағы уәкілетті органдардың шешімдеріне шағымданумен байланысты болды. А.Дауылбаев Бас про­кура­ту­раның тиісті құрылымдық бөлімшелерінің басшыларына өтініш берушілердің айғақтарын толық және жан-жақты тек­серуді қамтамасыз етуді, заң бұзушылықты анықтаған жағ­дайда прокурорлық қадағалау актісін енгізуді және бұзылған құқықтарды қалпына келтіру бойынша түбегейлі шаралар қабылдауды талап ете отырып, тапсырмалар берді. Бас прокурордың осыған дейінгі қабылдауынан келіп түскен «Елім-Ай» тұрғын үй кешенінің өкілі Ч.Валиевтің өтінішін қарау нәтижесі бойынша Бас прокуратура алаяқтық жасаған тұлғаларға қатысты қылмыстық істі тоқтату туралы мерзімінен бұрын шыға­рылған қаулыны бұзды. Алматы қаласының прокурорына тиісті түрде қосымша тергеуді ұйымдастыру туралы тапсырма жіберілді, деп хабарлады Бас прокуратураның баспасөз қызметі.