ТЖМ басшысы 2019 жылы өрт сөндірушілердің жалақысы 65%-ға, кейіннен тағы 10%-ға көтерілгенін айтты. Биыл жалақы мөлшері 3%-ға өсті.
«2019 жылы өрт сөндірушілерге төленген 65 мың теңгелік жалақы бүгінгі күні еңбек сіңірген жылдарсыз және үстемеақыларсыз қызметтің бірінші жылында шамамен 109 мың теңгені құрайды. Қазір Мемлекет басшысы мен Премьер-Министрдің тапсырмасы бойынша біз Қаржы министрлігі мен Ұлттық экономика министрлігімен жалақыны кем дегенде 40%-ға арттыру мәселесін пысықтап жатырмыз. Аталған ұсыныс қолдау тапқан жағдайда, келер жылы өрт сөндірушілердің жалақысы өседі», деді Юрий Ильин бүгін Үкімет отырысында.
