«Операцияға полицейлер, тергеушілер, балық қорындағы қол сұғушылыққа қарсы күрес бөлімінің қызметкерлері жұмылдырылды. 10 күн ішінде балық қорларының заңсыз айналымына байланысты 77 құқық бұзушылық анықталды, оның ішінде 74 факт - балық аулау ережелерін бұзу, 3 факт - балық және балық өнімдерін елден тыс жерлерге заңсыз әкету.
Барлығы 77 құқық бұзушы ұсталды, олардан 199 кг балық тәркіленді.
Қазақстан Республикасы ӘҚБтК - нің 383-бабы бойынша (балық аулау ережелерін бұзу) 74 адам әкімшілік жауапкершілікке тартылды, оның ішінде 1 адамға қатысты құжаттар сотқа жіберілді», деп хабарлады облыстық ПД баспасөз қызметі.
Бұдан басқа, Атырау облыстық Орал-Каспий облысаралық балық шаруашылығы инспекциясына заңсыз ауланған балық түрлері мен оның өнімдерін тасымалдау және әкету фактілері бойынша 3 құжат жіберілді. Балықты заңсыз сатып алғаны, сатқаны, сақтағаны үшін ҚР ӘҚБтК-нің 389-бабы бойынша 4 адам әкімшілік жауапкершілікке тартылды.
