Президент • 05 Қазан, 2022

Өнеркәсіптің дамуы экологияға үлкен салмақ түсіреді - Президент

38 рет көрсетілді

Мемлекет басшысы Қасым-Жомарт Тоқаев Павлодар облысындағы жиын барысында өңірдегі экономикалық проблемаларға назар аударды, деп хабарлайды Egemen.kz.

«Өнеркәсіптің дамуы сөзсіз экологияға үлкен салмақ түсіреді. Павлодар облысына елдегі шығарындылардың үштен бірі келеді - бұл шығындылар жыл сайын 700 мың тоннаны құрайды. Бүкіл елдің индустриалды өсуінің негізі болып саналатын аймақ тұрғындары туған өлкенің қоршаған ортасының жай-күйіне қатты алаңдайды», деді Президент.

Бұл ретте Мемлекет басшысы еліміз 2060 жылға қарай көміртегі бейтараптығына қол жеткізу ниетін білдіргенін еске салды.

«Экологиялық жағдай - азаматтардың өмір сүру сапасының маңызды көрсеткіші. Сондықтан өндірістік әлеуетті күшейту мен экологияны қорғау арасындағы тепе-теңдікті сақтау өте маңызды. Еске салсақ, Қазақстан 2060 жылға қарай көміртегі бейтараптығына қол жеткізу ниетін білдірген», деді Қасым-Жомарт Тоқаев.

Президент сондай-ақ өңірді газдандыру мәселесіне де тоқталып, Үкіметке тиісті тапсырма жүктеді.

«Тағы бір маңызды мәселе – газдандыру. Үкімет өңірді газбен қамтамасыз ету жолдарын басым тәртіппен әзірлеуі қажет. Бұл жасыл күн тәртібін толыққанды іске асыру және нақты орнықты даму жолындағы маңызды қадам болады», деді Мемлекет басшысы.

 

Соңғы жаңалықтар

Ұқсас жаңалықтар