Саясат • 05 Қазан, 2022

Ұйымдардың ұсынысы ортақ

89 рет көрсетілді

Қараша айына жоспарланған кезектен тыс президент сай­лауы жақындаған сайын түрлі қоғамдық ұйымның белсенділігі артқаны байқалады. Саяси науқанға қатысты еліміздің түрлі қоғамдық ұйымы өз ойларын айтып, ұсыныстарын білдіруде.

  • Мәселен, Қазақстан Азамат­тық альянсы кезектен тыс президенттік сайлауға Қасым-Жомарт Тоқаевтың кандидатурасын ұсы­натынын мәлімдеді. Азаматтық альянс президенті, конфе­ренция төрағасы Бану Нұрға­зиева: «Ел президенті Қ.Тоқаев «Жаңа Қазақстан: жаңару және жаңғырту жолы» Жол­дауында қоғамдық ұйымдар­дың қызметін елдің ор­нықты және жан-жақты ілгері­леуінің маңызды факторы деп атады және қоғамдық ұйымдар мен белсенділерді реформаларды да­йындау мен іске асыруға кеңінен және тереңірек тартуға шақырды. Әлем­дегі күрделі гео­саяси жағ­дай­ға қарамастан, Қазақстанда саяси жаңғыру, экономиканы қайта құрылымдау, әлеуметтік саланы дамыту жоғары қарқынмен жүріп жатыр. Елдің әлеуметтік-экономикалық және қоғамдық-саяси өмірінің барлық саласында елеулі өзгерістер бар. Пре­зидент алғашқы күндерден бас­тап сындарлы диалогке, билік пен халық арасында тиімді кері бай­ланыс орнатуға бағытталған «Халық үніне құлақ асатын мемлекет» тұжырымдамасын ұсына отырып, мемлекет пен қоғамның өзара іс-қимылының жаңа форматын белгіледі. Халық өзгерістерге және ел Президентіне сенімін білдіреді», деді.

Өңірлік альянстардың көш­бас­шылары өз сөздерінде ел Пре­­зи­денті ұсынған барлық бас­тама мен реформа халықтың, қара­пайым адамдардың мүдде­лерінен туындағанын айтып, сая­си додада Мемлекет басшысын қолдайтынын жеткізді.

  • Ауған соғысы ардагерлері ұйымдары да Қасым-Жомарт Тоқаев­тың кандидатурасын прези­дент сайлауына ұсыну жөнінде шешім қабылдағандарын мәлім­деді. Ауған соғысы ардагерлері ұйым­­­дарының Qazaqstan ardager­leri қауымдастығы бас­қар­­масы­ның отырысында қауым­дас­тық төрағасы Бақытбек Смағұл: «Президент ардагерлер мен түр­лі әлеуметтік топтың өкіл­дерін әрдайым қолдап келеді. Біз арда­герлер соғыстың не екенін бір кісідей білеміз әрі бейбіт өмір­дің қадірін өте жақсы түсінеміз. Тұрақтылық – кез келген мемлекет үшін дамудың ең басты кепілі. Сондықтан біз Қасым-Жомарт Тоқаевты президент сайлауына кандидат ретінде ұсыну туралы шешім қабылдадық», деді.

Сондай-ақ Қазақстан мәсли­хат­тары депутаттары бірлес­тігі­нің орталық кеңесінің кезектен тыс конференциясында ұйым атынан Қазақстан прези­денттігіне үміткер ұсыну мәселесі талқыланды. «Тұрақсыз геосая­си әрі экономикалық жағдай кезін­де қоғамның бірлігі мен ынты­мағы бірінші орынға шығады. Сондықтан Қасым-Жомарт Тоқаев­тың тұрақтылық пен келі­сім­­ді қамтамасыз етудегі, мемле­кет дамуындағы ерекше рөлін ес­кере отырып, біз оны алдағы пре­зи­дент сайлауына кандидат ретін­де ұсынамыз», деп атап өтті бір­лестік төрағасы Төлеубек Мұқашев.

Бірлестік мүшелері барлық деңгейдегі мәслихат депутат­ы екенін атап өткен жөн. Олар­дың жалпы саны – 3276 адам.

  • Генералдар кеңесінің төрал­қасы да Қ.Тоқаевты президент сайлауына кандидат ретінде ұсыну туралы шешім қабылдады. Ұзақ жылдар бойы мемлекет мүддесіне абыроймен қызмет еткен Қазақстан­ның Қарулы Күштері мен құқық қорғау органдарының генералдары, ардагерлері әлі де Отан мүд­десін қорғауға атсалы­сып келе­ді. Мемлекет басшы­сы­ның қыр­күйек айындағы Жол­дауын талқыла­ғаннан кейін «Генералдар кеңесі» РҚБ төрал­қасы бағ­дарламалық құжатта баяндалған ережелер мен ұсы­ныс­тарды іске асыруға бел­сенді қатысу туралы шешім қабылдады.

«Біз биыл күзде кезектен тыс президент сайлауын өткізу туралы ұсынысты толық қол­дай­мыз. Әділетті Қазақстан құруға бағыт­талған реформаларды та­быс­ты іске асыру үшін халық сені­­мінің жаңа мандаты қажет. Пре­­зи­­денттік мандаттың бір рет­­тік 7 жылдық мерзімін енгізуді ашық демократиялық мемлекет­тің дамуындағы түбегейлі шара деп санаймыз. Бұл қадам еліміз­дің жаңа саяси дәуірінің алтын қазы­ғына айна­лады. Әлемдегі күр­делі геосая­си жағдай кезінде бей­біт­шілік пен келі­сімді бағалай білу қажет. Біз, ел еге­мен­дігінің қор­ға­ны бол­ған офицер­лер, тәжі­ри­белі, қоғамға қызмет етуге дайын саясаткер Қасым-Жомарт Тоқаев­тың кан­дидату­ра­сын сай­лауға ұсына­мыз», деді отс­тав­­ка­дағы генерал-майор, Генер­ал­­дар ке­ңесінің төрағасы Махмұт Төлеғұсов.

Инфографиканы жасаған Амангелді Қияс, «ЕQ»

Инфографиканы жасаған Амангелді Қияс, «ЕQ»

 

  • «Қазақстан спортшылары одағы» республикалық қоғам­дық бірлестігі болса «Барыс Арена» кеше­нінде спорт қауымдас­тығы­ның өкілдерімен кездесіп, жиын барысында Қасым-Жомарт Тоқаевты кезектен тыс прези­дент сайлауына кандидат ретінде ұсыну туралы шешім қабылда­ғанын мәлімдеді.

Жиынға қатысқан Лондон Олимпиадасының чемпионы Серік Сәпиевтің айтуынша, Мемлекет басшысы бұқаралық және кәсіби спорттың дамуына жүйелі түрде қолдау көрсетіп келеді.

«Елімізді Президент Қасым-Жомарт Тоқаев бастаған жаңа рефор­малар күтіп тұр. Ол әлеу­мет­тік әділдік пен баршаға тең мүмкін­діктерді басты бағыт ретін­де ұсынады. Бүгінде спортшы­лары­мыз Қазақстанның атынан түрлі халықаралық аренада өнер көрсетіп жүр. Мықты экономика мен бірліктің арқасында біз үлкен жетістіктерге жеттік. Оның ішін­де спорт саласының жетіс­тік­тері де бар», деді одақ мүшесі С.Сәпиев.

Елдегі спортшылар одағы өт­кіз­ген іс-шараның қорытын­дысын­­да жиынға қатысушылар бір­ауыздан Қасым-Жомарт Тоқаевтың кандидатурасын қолдады.

Соңғы жаңалықтар

Ұқсас жаңалықтар