Алматы облысының тұрғыны арзымайтын ақшаға 4 құл сатып алған

АСТАНА. 21 мамыр. Алматыда өз танысынан 4 адамды 60 мың теңгеге сатып алған азамат ұсталды. Бұл туралы Today.kz хабарлады. Алматы облыстық ішкі істер департаментінің баспасөз қызметі хабарлағандай, Қарасай ауданындағы бір шаруа қожалықтан түрлі жұмысқа жегілген өзбек азаматы қашып шығады. Содан кейін ол құқық қорғау органдарына жағдайын түсіндіріп арыз жазған. Осы арыз негізінде департамент қызметкерлері іске кірісіп, әлгі шаруашылықтың аумағынан тағы үш Өзбекстан азаматын кезіктіреді. Қазір полицейлер басты күдікті ретінде шаруа қожалығының басшысын ұстап отыр. Ал ол өз түсініктемесінде бұл 4 жұмысшыны өзінің танысынан 60 мың теңгеге сатып алғанын айтады. Іле адам сатқан күдікті де қолға түсіп, ол да түсініктеме беруде. Осыған байланысты адамды бостандығынан заңсыз айыру, еңбегін пайдалану және сату фактісі бойынша Қылмыстық кодекстің 126-бабы 3-бөлімі және 128-бабы 2-бөлімі бойынша күдіктілерге қатысты қылмыстық іс қозғалды. Жолдыбай Базар. Дереккөз: Today.kz. Фото: aktobegazeti.kz.