АДАМ ҚҰҚЫҚТАРЫНА ҚАТЫСТЫ КЕЗДЕСУЛЕР

Кеше Астанада Қазақстан Республикасындағы адам құқық­та­ры жөніндегі уәкіл Асқар Шәкі­ровтің “Қазақстан Респуб­ликасы – Еуропа Одағы” Парламенттік ынтымақтастық комитетінің 9-шы отырысының жұмысына қатысып жатқан Паоло Бартолоцци бастаған Еуропарламент делегациясымен кездесуі болды. А.Шәкіров делегацияны өз жұ­мысының негізгі бағыттары­мен та­ныстырып, қазақстандық омбуд­смен­нің қызметін реттей­тін нор­ма­тивтік-құқықтық база туралы айтып берді. Еуропа парламентшілері адам мен азаматтың құқықтары мен еркін­діктерін қорғау саласындағы Қазақстан саяса­тын жоғары баға­лады, сондай-ақ түрлі салалардағы, соның ішінде құқық қорғау қызме­тіндегі Қазақстан-Еуропа әріптестігінің даму серпінділігін атап көрсетті. *  *  * Кеше А.Шәкіров сондай-ақ Халықаралық түрме реформасы құқық қорғау ұйымының саяси мәселелер жөніндегі директоры Мери Мерфимен кездесу өткізді. Кездесу барысында тараптар бостандықтан айыру орындарын­да­ғы жүйелі, тәуелсіз де тиімді бақы­лау­ға бағытталған жобаны іске асы­ру­дың қорытындыларын талқылады.