Қызылорда облысында 100 мың теңге пара алған судьяға үкім шықты

АСТАНА. 21 мамыр. Қызылорда облысы Арал аудандық сотының судьясы 7 жылға бас бостандығынан айырылды. Бұл туралы «Жетінші арна» хабарлады. Қызылорда облыстық экономикалық қылмысқа және сыбайлас жемқорлыққа қарсы күрес департаментінің баспасөз қызметі мәлімдегендей, әлгі судья өзі қараған азаматтық іс бойынша оң шешім шығару үшін 100 мың теңге пара алған. Ол ақшаны қызметтік бөлмесінде делдал арқылы алып жатқан кезінде ұсталған. Cондай-ақ, арада делдалдық жасаған азамат та жазадан тыс қалмады. Ол 5 жылға кесілді әрі оның мүлкі тәркіленді. Қаржы полицейлері бұл істі жемқорлықпен байланыстырып отыр. Жолдыбай Базар. Дереккөз: «Жетінші арна» Фото: azh.kz.