Фото: primeminister.kz
Аталған мәселе бойынша барлық қадам мен жаңа тәсілдер алдымен қоғамның талқысынан өтеді.
Осы ретте қоғамда отбасылық-тұрмыстық зорлық-зомбылыққа төзбеу атмосферасын қалыптастыру үшін әлеуметтік желілер мен бұқаралық ақпарат құралдарының мүмкіндіктері кеңінен пайдалануды қажет етеді.
«Зорлық-зомбылықтан зардап шеккен адамдарды оңалту мәселесіне көңіл бөлу керек. Оларға тек медициналық қана емес, білікті мамандардың психологиялық, құқықтық көмегі де қажет. Өңірлерде дағдарыс орталықтары мен уақытша бейімдеу мекемелері жетіспейді», деп атап өтті Әлихан Смайылов.
Премьер-Министр осы мақсатта бірқатар ведомство басшыларына тапсырма берді.
1.Ақпарат министрлігі тұрмыстық зорлық-зомбылыққа төзбеу және отбасылық құндылықтарды дәріптеу бойынша ақпараттық науқан жүргізуі қажет. Оқу-ағарту министрлігі балалардың бойына отбасына құрмет және үйдегі тәртіп ережелерін сіңіру үшін «мектеп сағатын» ойластыруы тиіс.
2.Өңір әкімдіктері тұрмыстық зорлық-зомбылық құрбандарына арналған дағдарыс және уақытша бейімдеу орталықтарын, мәжбүрлеп емдеуге арналған наркологиялық мекемелер желісін кеңейту шараларын қабылдауы тиіс.
3.Еңбек министрлігі шын мәнінде мемлекеттің көмегіне мұқтаж, тұрмысы нашар отбасыларды медициналық-әлеуметтік есепке алудың үлгілік қағидаларын әзірлеуі керек.
4.Денсаулық сақтау министрлігі әкімдіктермен бірлесіп мәжбүрлеп емдеуге жіберу рәсімдерін жеңілдетуі тиіс.
